Прэзідэнт Дональд Трамп падпіша ўказ, які ўпершыню ў гісторыі ЗША абвесціць англійскую мову афіцыйнай мовай краіны, заявіў у пятніцу прадстаўнік Белага дома. Тэрміны падпісання дакумента ён не назваў, паведамляе Расійская служба Радыё Свабода.
Падчас сваёй першай прэзідэнцкай кампаніі Трамп папракаў свайго рэспубліканскага суперніка Джэба Буша за тое, што той выкарыстоўваў не толькі англійскую мову падчас перадвыбарнай барацьбы.
Новы ўказ Трампа скасуе федэральнае патрабаванне, уведзенае прэзідэнтам Білам Клінтанам, паводле якога дзяржаўныя ўстановы і іншыя атрымальнікі федэральных сродкаў павінны былі аказваць моўную падтрымку асобам, якія не валодаюць англійскай мовай.
Паводле даных ProEnglish — арганізацыі, якая выступае за прызнанне англійскай мовы дзяржаўнай у ЗША, цяпер яна мае такі статус у 32 штатах.
Найбольш распаўсюджаныя мовы ў ЗША, па наяўных даных, англійская, на ёй размаўляюць 245 мільёнаў жыхароў краіны. Другая пазіцыя ў іспанскай мовы, на ёй размаўляюць 42 мільёны жыхароў. На трэцім месцы па ўжыванні знаходзіцца кітайская мова з некалькімі сваімі асноўнымі дыялектамі —3,4 мільёна жыхароў.
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»3
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары