Prezident Donald Tramp padpiša ŭkaz, jaki ŭpieršyniu ŭ historyi ZŠA abvieścić anhlijskuju movu aficyjnaj movaj krainy, zajaviŭ u piatnicu pradstaŭnik Biełaha doma. Terminy padpisańnia dakumienta jon nie nazvaŭ, paviedamlaje Rasijskaja słužba Radyjo Svaboda.
Padčas svajoj pieršaj prezidenckaj kampanii Tramp paprakaŭ svajho respublikanskaha supiernika Džeba Buša za toje, što toj vykarystoŭvaŭ nie tolki anhlijskuju movu padčas pieradvybarnaj baraćby.
Novy ŭkaz Trampa skasuje fiederalnaje patrabavańnie, uviedzienaje prezidentam Biłam Klintanam, pavodle jakoha dziaržaŭnyja ŭstanovy i inšyja atrymalniki fiederalnych srodkaŭ pavinny byli akazvać moŭnuju padtrymku asobam, jakija nie vałodajuć anhlijskaj movaj.
Pavodle danych ProEnglish — arhanizacyi, jakaja vystupaje za pryznańnie anhlijskaj movy dziaržaŭnaj u ZŠA, ciapier jana maje taki status u 32 štatach.
Najbolš raspaŭsiudžanyja movy ŭ ZŠA, pa najaŭnych danych, anhlijskaja, na joj razmaŭlajuć 245 miljonaŭ žycharoŭ krainy. Druhaja pazicyja ŭ ispanskaj movy, na joj razmaŭlajuć 42 miljony žycharoŭ. Na trecim miescy pa ŭžyvańni znachodzicca kitajskaja mova ź niekalkimi svaimi asnoŭnymi dyjalektami —3,4 miljona žycharoŭ.
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza14
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary