«Падвергнуўся крытыцы за маладушнасць». Як улады вядуць спісы нелаяльных сілавікоў і спартсменаў
«Кіберпартызаны» паведамілі, што ва ўзламаных імі ўнутраных сетках дзяржаўных устаноў сустракаюцца спісы людзей пэўных прафесій, заўважаных у нелаяльнасці рэжыму Лукашэнкі. У якасці прыкладаў яны апублікавалі некалькі скрыноў з такіх спісаў, на якіх фігуруюць спартсмены і былыя супрацоўнікі сістэмы МУС.
«Жудасныя насамрэч спісы, прасякнутыя духам сталінскіх часоў, у якіх захрасла лукашэнкаўская хунта», — каментуюць гэтыя матэрыялы «Кіберпартызаны», адзначаючы, што нават пасля звальнення рэпрэсіўныя структуры імкнуцца адсочваць, дзе знаходзяцца і працуюць людзі, прызнаныя нелаяльнымі.
У якасці падстаў для звальнення часцей за ўсё ў гэтых спісах сустракаецца фармулёўка «прытрымліваўся апазіцыйных поглядаў, не падтрымліваў дзейную ўладу». Але бываюць і іншыя, больш канкрэтныя прычыны:
- двойчы падвергнуўся крытыцы за маладушнасць пры выкананні службовых абавязкаў па затрыманні грамадзян з БЧБ-акцый;
- заклікаў калег звальняцца з АУС;
- блізкія члены сям'і не падтрымлівалі дзеючую ўладу, удзельнічалі ў пратэсных мерапрыемствах, настаялі на звальненні;
- зрабіў рэпост з экстрэмісцкага канала;
- размясціў у інтэрнэце інфармацыю, якая дыскрэдытуе дзяржаўныя органы;
- не згодны з бягучай палітычнай сітуацыяй у краіне;
- лайкі ў сацсетках БЧБ-актыўнасці;
- прагаласаваў за альтэрнатыўнага кандыдата ў прэзідэнты;
- нязгода з вынікам выбараў.
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі25
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю1010
Каментары
Павага за мужнасць і чалавечнасць гэтаму "маладушнаму".
Прямо как "обвиняется в непонимании".