Чарговае пасяджэнне Усебеларускага народнага сходу плануецца правесці ў красавіку. Аб гэтым cтаршыня УНС Аляксандр Лукашэнка заявіў сёння на пасяджэнні прэзідыума УНС, піша БелТА.
Усебеларускі народны сход у лютым 2021 года. Фота: БелТА
«Пачатак гэтага года ў нашай краіне выдаўся вельмі актыўным у грамадска-палітычным плане. Услед за электаральнай кампаніяй на красавік запланавана правядзенне чарговага пасяджэння Усебеларускага народнага сходу. І сённяшні прэзідыум дасць старт падрыхтоўцы да гэтага найважнейшага дзяржаўнага мерапрыемства», — сказаў ён
Аляксандр Лукашэнка дадаў, што УНС у яго новым канстытуцыйным статусе будзе праводзіцца ўжо другі раз, а ў агульнай колькасці адбылося сем сходаў.
Каментары