73-гадовы мінчук перадаў аферыстам 110 тысяч даляраў, іх затрымалі
Мужчына зняў грошы не толькі са свайго рахунку, але і з рахункаў сыноў.
У міліцыю звярнуўся 73-гадовы мужчына, які стаў ахвярай тэлефонных махляроў. На працягу 10 дзён ён заставаўся на сувязі са зламыснікамі і ўвесь гэты час апусташаў сямейныя рахункі, паведамляе прэс-служба МУС
Мужчыну ў месенджар прыйшло паведамленне нібыта ад начальніка, што хутка з ім звяжуцца міліцыянты. Мінчука пераканалі, што злачынцы выкарыстоўваюць яго рахунак для «адмывання» грошай. Каб уратаваць зберажэнні, трэба іх абнаявіць і перадаць у Нацыянальны банк. Прыбыўшы кур'ер забраў у ахвяры $60 тыс.
Пасля мінчук сабраў астатнія зберажэнні і зняў з рахункаў сыноў і жонкі больш за 20 тыс. еўра і $30 тыс. Гэтыя грошы ён таксама пад рознымі падставамі перадаў кур'еру. Супрацоўнікі банка перасцерагалі кліента, што яго могуць ашукоўваць махляры, але той ім не паверыў.
Следчыя затрымалі кур'ераў ва ўзросце 32 і 42 гадоў. У аднаго з іх было канфіскавана каля $35 тыс., якія вернуць уладальніку.
Каментары