Прэзідэнт ЗША Дональд Трамп сказаў выданню New York Post, што правёў тэлефонную размову з прэзідэнтам Расіі Уладзімірам Пуціным наконт урэгулявання канфлікту ва Украіне. Ён лічыць, што спыніць баявыя дзеянні атрымаецца хутка.
Паводле Трампа, асноўнай тэмай размовы з Пуціным была вайна ва Украіне.
Па словах прэзідэнта ЗША, у яго ёсць канкрэтны план па спыненні канфлікту. «Спадзяюся, гэта будзе хутка. Кожны дзень гінуць людзі», — сказаў Дональд Трамп.
На пытанне, колькі разоў у яго з Пуціны былі размовы, Трамп адказаў: «Я лепш прамаўчу».
Звяртаючыся да дарадцы па нацыянальнай бяспецы ЗША Майка Уолца, Трамп сказаў, што час пачынаць перамовы: «Давайце пачнем гэтыя сустрэчы. Яны хочуць сустрэцца. Кожны дзень людзі паміраюць. Забіваюць маладых прыгожых салдат. Маладых мужчын, такіх як мае сыны».
Ён выказаў думку, што Пуцін «хоча, каб людзі перасталі паміраць».
Віцэ-прэзідэнт Джэй Дзі Вэнс сустрэнецца з Зяленскім на наступным тыдні на Мюнхенскай канферэнцыі па бяспецы
Трамп таксама сказаў аб намеры заключыць здзелку з прэзідэнтам Украіны Уладзімірам Зяленскім аб доступе да рэдказямельных мінералаў і газу на $500 млн. Ён удакладніў, што ў абмен ЗША гатовы прадаставіць Украіне гарантыі бяспекі ў мірным урэгуляванні канфлікту.
Цяпер чытаюць
Скандал у Барысаўскай бальніцы: на пацыента звярнулі ўвагу праз шэсць гадзін, калі ўжо пена пайшла з рота — мужчына памёр7
Скандал у Барысаўскай бальніцы: на пацыента звярнулі ўвагу праз шэсць гадзін, калі ўжо пена пайшла з рота — мужчына памёр
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс1818
Каментары
Вот и вся сделка