Дзяржсакратар ЗША: Няправільна было дазволіць людзям паверыць у тое, што Украіна здольная нанесці паразу Расіі
Дзяржсакратар ЗША Марка Рубіа заявіў, што вайна ва Украіне павінна завяршыцца перамовамі, і абодва бакі павінны пайсці на саступкі. Пра гэта ён сказаў у інтэрв'ю амерыканскай журналістцы Мегін Келі, піша Бі-бі-сі.
«Няправільна, што мы нейкім чынам прывялі да таго, што дазволілі людзям паверыць у тое, што Украіна здольная нанесці паразу Расіі, адкінуць усё да таго стану, які быў у 2012 або 2014 годзе, калі Расія захапіла Крым», — сказаў ён.
«Абодва бакі плацяць страшную цану ў гэтай вайне, абодва бакі разумеюць, што яны не дасягнуць сваіх максімалістычных мэтаў», — заявіў Рубіа.
Паводле яго слоў, «трэба правесці значную працу», «і толькі з ЗША пад кіраўніцтвам прэзідэнта Трампа гэта можа быць магчыма».
«Гэта не будзе проста і патрабуе пэўнага часу, але я ведаю, што ён рашуча настроены дасягнуць гэтага», — дадаў дзяржаўны сакратар.
Дональд Трамп падчас перадвыбарчай кампаніі сцвярджаў, што здольны хутка пакласці канец вайне ва Украіне, але пасля ўступлення ў пасаду пакуль не прыняў ніякіх крокаў, акрамя новых заяў.
Цяпер чытаюць
«Была галоднай, узімку аказалася без цёплых рэчаў». Суседкі расказваюць пра памерлую экс-палітзняволеную Ганну Кандраценка2
Каментары