Англіканскі святар натхніўся прыкладам Маска і зрабіў падобны жэст. Царква адрэагавала імгненна і строга
Супярэчлівы жэст англіканца Келвіна Робінсана выклікаў бурную рэакцыю ў сацсетках. Англіканская каталіцкая царква адразу ж асудзіла ягоныя дзеянні і паведаміла, што святарская ліцэнзія Робінсана ануляваная.
Англіканскі святар, прадстаўнік правай Партыі незалежнасці Вялікабрытаніі (UKIP) Келвін Робінсан паўтарыў жэст Ілона Маска, які той зрабіў падчас інаўгурацыі прэзідэнта ЗША Дональда Трампа 20 студзеня.
Жэстам, які карыстальнікі сацсетак інтэрпрэтавалі як «нацысцкае прывітанне», святар завяршыў сваю прамову на нацыянальным саміце за жыццё ў Вашынгтоне. Відэа выступу ён апублікаваў на сваёй старонцы ў сацсетцы X.
«Кожная краіна ў Еўропе прымае смерць. Амерыка, наколькі я бачу, з'яўляецца адзінай краінай, якая працягвае змагацца за жыццё. І гэта залежыць ад вас. Няхай Бог дабраславіць вас за тое, што вы робіце. Калі ласка, працягвайце гэта рабіць», — гаворыць Робінсан на відэа.
Пасля гэтага ён паўтарыў падобны да «нацысцкага прывітання» жэст амерыканскага мільярдэра са словамі: «Я спадзяюся, што змагу вас падбадзёрыць, і маё сэрца з вамі». Зала адказала яму авацыямі.
У каментары да відэа на сваёй старонцы англіканец паскардзіўся, што атрымаў сотні званкоў, каментароў і паведамленняў ад «вельмі ўзлаваных, злых, брыдкіх левых».
«Яны часта робяць менавіта тое, у чым вас абвінавачваюць. Я не нацыст. Але я дарую вам ваша невуцтва. Маё сэрца звяртаецца да вас!» — напісаў Робінсан.
Англіканская каталіцкая царква адрэагавала на скандальны відэазапіс і паведаміла, што ліцэнзія Робінсана была ануляваная і ён больш не з'яўляецца святаром АКЦ. Члены Калегіі біскупаў заявілі, што спробы Келвіна Робінсана заслужыць добразычлівасць амерыканскіх паслядоўнікаў правай ідэалогіі несумяшчальныя са святарскім пакліканнем.
«Мы разумеем, што гэта не проста адміністрацыйная справа. Халакост быў эпізодам неапісальнага жаху, развязаным рэжымам злых людзей. Мы асуджаем нацысцкую ідэалогію і антысемітызм ва ўсіх яго формах. І мы верым, што тыя, хто імітуе нацысцкае прывітанне, нават як жарт ці спробу «патроліць» сваіх апанентаў, прымяншаюць жах Халакосту і прымяншаюць ахвяры тых, хто змагаўся з вінаватымі ў ім. Такія дзеянні шкодныя, раз'ядноўваюць і супярэчаць прынцыпам хрысціянскай міласэрнасці», — заявілі ў царкве.
Раней вядомы прадпрымальнік, мультымільярдэр Ілан Маск у дзень інаўгурацыі Дональда Трампа 20 студзеня выступіў з прамовай, у завяршэнні якой двойчы прыклаў правую руку да грудзей і рэзкім жэстам выкінуў яе ўверх. Пры гэтым Маск сказаў: «Маё сэрца з вамі».
Пасля таго, як жэст бізнэсмена параўналі з нацысцкім прывітаннем, Маск заявіў: «Нападкі ў стылі «Вы ўсе Гітлеры» ўжо так надакучылі».
У адрозненне ад англіканскага святара Келвіна Робінсана, для Маска ніякіх негатыўных наступстваў ягоны ўчынак пакуль не меў.
«Хацеў хайпу, а атрымаў абвінавачанне ў прапагандзе нацызму». Гутарка з беларусам, які намаляваў зігуючага Маска ў цэнтры Варшавы
Ілан Маск выступіў на перадвыбарным мерапрыемстве «Альтэрнатывы для Германіі»
«Ганьба Ёлупу Срольцу!» Ілан Маск абразіў нямецкага канцлера
Маск адрэагаваў на абвінавачанні, што ён паказаў нацысцкі жэст
Найбольш шчаслівым на інаўгурацыі Трампа выглядаў Ілан Маск ВІДЭА
Цяпер чытаюць
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы88
Каментары
...
ды ўсяго-то паказаў на гэны "астэроід" - https://d2accbiqacj5y8.cloudfront.net/360494