Вярхоўны суд ЗША пакінуў у сіле закон, згодна з якім TikTok будзе заблакаваны ў гэтай краіне з 19 студзеня, калі ягоная кітайская мацярынская кампанія ByteDance яго не прадасць. Суд пастанавіў, што рызыкі для нацыянальнай бяспекі пераважваюць занепакоенасць абмежаваннем свабоды слова як самога дадатку, так і 170 млн яго амерыканскіх карыстальнікаў.
Пасля ўступлення закона ў сілу 19 студзеня жыхары ЗША больш не змогуць спампаваць дадатак, а абнаўленні не будуць даступныя ў ЗША. З часам гэта зробіць праграму непрыдатнай для выкарыстання.
Як раней пісала выданне NBC, адміністрацыя Джо Байдэна не хоча азмрочваць апошні дзень яго прэзідэнцтва блакаваннем TikTok (хоць закон быў падпісаны менавіта прэзідэнтам Байдэнам) і спадзяецца перадаць пытанне Дональду Трампу. Аднак не да канца зразумела, што менавіта можа распачаць Трамп пасля сваёй інаўгурацыі, піша The Washington Times.
Закон дапускае 90-дзённую адтэрміноўку забароны, але толькі ў тым выпадку, калі да ўступлення закона ў сілу быў дасягнуты прагрэс у пагадненні аб продажы, чаго не адбылося.
17 студзеня Трамп стэлефанаваўся са старшынёй КНР Сі Цзіньпінам. Па словах палітыка, абмяркоўвалася ў тым ліку і пытанне блакавання TikTok.
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра12
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары