Viarchoŭny sud ZŠA pakinuŭ u sile zakon, zhodna ź jakim TikTok budzie zabłakavany ŭ hetaj krainie z 19 studzienia, kali jahonaja kitajskaja maciarynskaja kampanija ByteDance jaho nie pradaść. Sud pastanaviŭ, što ryzyki dla nacyjanalnaj biaśpieki pieravažvajuć zaniepakojenaść abmiežavańniem svabody słova jak samoha dadatku, tak i 170 młn jaho amierykanskich karystalnikaŭ.
Paśla ŭstupleńnia zakona ŭ siłu 19 studzienia žychary ZŠA bolš nie zmohuć spampavać dadatak, a abnaŭleńni nie buduć dastupnyja ŭ ZŠA. Z časam heta zrobić prahramu nieprydatnaj dla vykarystańnia.
Jak raniej pisała vydańnie NBC, administracyja Džo Bajdena nie choča azmročvać apošni dzień jaho prezidenctva błakavańniem TikTok (choć zakon byŭ padpisany mienavita prezidentam Bajdenam) i spadziajecca pieradać pytańnie Donaldu Trampu. Adnak nie da kanca zrazumieła, što mienavita moža raspačać Tramp paśla svajoj inaŭhuracyi, piša The Washington Times.
Zakon dapuskaje 90-dzionnuju adterminoŭku zabarony, ale tolki ŭ tym vypadku, kali da ŭstupleńnia zakona ŭ siłu byŭ dasiahnuty prahres u pahadnieńni ab prodažy, čaho nie adbyłosia.
17 studzienia Tramp stelefanavaŭsia sa staršynioj KNR Si Czińpinam. Pa słovach palityka, abmiarkoŭvałasia ŭ tym liku i pytańnie błakavańnia TikTok.
Ciapier čytajuć
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?28
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić88
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić8
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci55
Kamientary