Kamanda Trampa razhladaje varyjanty jak źmiakčeńnia, tak i ŭzmacnieńnia sankcyj adnosna Rasii
Pavodle źviestak vydańnia Bloomberg, ciapier u kamandzie abranaha prezidenta ZŠA Donalda Trampa razhladajuć dva padychody, pry dapamozie jakich možna prymusić Rasiju da zakančeńnia bajavych dziejańniaŭ va Ukrainie.
Jak daviedaŭsia Bloomberg, u vypadku, kali administracyja Trampa paličyć, što vajna va Ukrainie blizkaja da zaviaršeńnia, ZŠA buduć hatovyja pajści na sastupki ŭ adnosinach da rasijskaha naftavaha siektara. U pryvatnaści, čynoŭniki razhladajuć mahčymaść praciahvańnia licenzij vytvorcaŭ abo pavyšeńnia cenavaj stoli na rasijskuju naftu.
U advarotnym vypadku kamanda Trampa źbirajecca ŭzmacnić sankcyjny cisk. Pavodle krynic Bloomberg, havorka moža iści pra sankcyi suprać jeŭrapiejskich hruzaadpraŭščykaŭ i pakupnikoŭ nafty z Azii — kampanij z Kitaja i Indyi. Pakul što stratehija sankcyjnaha cisku znachodzicca na rańniaj stadyi raspracoŭki.
Da jakoha z dvuch padychodaŭ schilajecca sam Tramp — nieviadoma.
Padychod, jaki ŭrešcie abiare Tramp, budzie mieć vyrašalnaje značeńnie dla suśvietnaha rynku nafty. Fjučersy nafty marki Brent užo padaraželi amal na 5 dalaraŭ za barel z momantu abviaščeńnia pra novyja sankcyi. Niekatoryja analityki čakajuć dalejšaha rostu, što pryviadzie da pavyšeńnia koštu paliva va ŭsim śviecie.
«Rańni baromietr taho, jak kamanda Trampa spraŭlajecca z sankcyjami suprać Rasii, źjavicca ŭ siaredzinie sakavika, kali skončycca termin dziejańnia hienieralnaj licenzii, jakaja dazvalaje zhortvańnie zakupak rasijskich enierhanośbitaŭ. Kali Ministerstva finansaŭ dapuścić zakančeńnie terminu dziejańnia vyklučeńnia pa niekatorych tranzakcyjach, heta moža ŭzmacnić cisk na Kreml», — havorycca ŭ publikacyi.
10 studzienia administracyja ciapierašniaha prezidenta ZŠA Džo Bajdena ŭviała samyja strohija z pačatku vajny sankcyi suprać rasijskaha naftavaha siektara. Pad abmiežavańni trapili «Hazpram nafta», «Surhutnaftahaz», zvyš 180 sudnaŭ «cieniavoha fłotu» i inšyja kampanii.
Bajden u raźvitalnym zvarocie da nacyi papiaredziŭ ab mahčymym zachopie ŭłady aliharchijaj, jakaja pahražaje demakratyi
Tramp nie płanuje pakidać Kijeŭ biez padtrymki, bo baicca novaha Afhanistana
Bieły dom abjaviŭ pra ŭviadzieńnie samych maštabnych sankcyj suprać rasijskaha enierhietyčnaha siektara
Piaskoŭ: Sustreča Pucina i Trampa budzie mahčymaj paśla inaŭhuracyi amierykanskaha prezidenta
Miljardery, zamiežnyja hości i eks-prezidenty: chto budzie prysutničać na inaŭhuracyi Trampa
Ciapier čytajuć
Novy pasoł Ukrainy pa pytańniach Biełarusi: «Pryznajom Cichanoŭskuju lidaram. A ŭ Łukašenki niama manapolii na hołas naroda»27
Kamientary