Кіно44

Паставіліся да фільма 94-гадовага Іствуда як да смецця. А ён узначаліў рэйтынгі

«Juror #2» Клінта Іствуда здзівіў свет. А яшчэ больш — ягонага партнёра, кінакампанію Warner Bros.

Мадэль і актрыса Чыкака Фукуяма прыехала на прэм'еру фільма «Juror #2» падчас AFI Fest, 27 кастрычніка 2024 года, у TCL Chinese Theatre у Лос-Анджэлесе. Фота: Jordan Strauss / Invision / AP

Клінт Іствуд (Clint Eastwood) — жывая легенда Галівуда. Ён атрымаў вядомасць дзякуючы вэстэрнам і рэжысёрскім шэдэўрам, сярод якіх «Непрабачаны», «Містычная рака» і «Малышка на мільён».

Як піша польскі партал Onet.pl, апошнія гады для 94-гадовага мэтра былі няпростымі. Дзве яго нядаўнія стужкі, «Richard Jewel» і «Cry Macho», пацярпелі фінансавую няўдачу, не сабраўшы чаканых сродкаў. У выніку кінакампанія Warner Bros. перастала верыць у яго і вырашыла не даваць яго новаму фільму «Juror #2» шырокага пракату ў ЗША ды іншых краінах.

У медыя шырока абмяркоўвалася такое стаўленне да ветэрана рэжысуры: многія лічылі, што студыя павінна была з большай павагай паставіцца да Іствуда, з улікам яго заслуг. Але не гэта зараз самае істотнае.

На дзіва ўсім, «Juror #2» стаў сапраўдным хітом, калі 20 снежня стужка з’явілася на стрымінгавай платформе Max. Крытыкі і гледачы высока ацанілі ідэю ды рэжысёрскую работу. На Rotten Tomatoes рэйтынг складае ажно 93%, а агульная адзнака карыстальнікаў — 91%.

Больш за тое, фільм узначаліў святочныя рэйтынгі праглядаў у 16 краінах, у тым ліку ў ЗША, абагнаўшы нават гучную прэм’еру «Джокер: шаленства на дваіх».

У шэрагу еўрапейскіх краін, у тым ліку ў Францыі, «Juror #2» з’явіўся ў кінатэатрах і зарабіў каля 12 мільёнаў долараў, трапіўшы на 20-е месца самых прыбытковых фільмаў года. Аналітыкі лічаць, што пры больш шырокім пракаце ад Warner Bros. стужка з вялікай верагоднасцю ўжо адбіла б свой 35-мільённы бюджэт.

Сюжэт «Juror #2» разгортваецца вакол Джасціна Кемпа (Нікалас Холт), які становіцца прысяжным у рэзананснай справе аб забойстве. Нечакана герой разумее, што менавіта ён датычны да гібелі ахвяры. Перад ім паўстае цяжкая маральная дылема: альбо маніпуляваць рашэннем сваіх калегаў, каб схаваць удзел у злачынстве, альбо прызнацца і панесці адказнасць.

Акрамя Холта, у фільме здымаюцца такія зоркі, як Тоні Калет, Зоі Дойч, Лэслі Біб, Кіфер Сазерленд і лаўрэат «Оскара» Джэй Кей Сіманс.

«Наша Нiва» — бастыён беларушчыны

ПАДТРЫМАЦЬ

Каментары4

  • Далоў эйджызм
    29.12.2024
    Трэйлер супер. Выклікае жаданне паглядзець фільм.
  • Зика
    29.12.2024
    Фильмы Клинта все класные. В сравнении с тем что штампует теперь Голливуд смотреть можно только его. Он и Мел Гибсон единственные из актеров кто может снимать смотрибельное кино.
  • Плохой
    30.12.2024
    Да потому что хорош уже этот порожняк для малолеток снимать про качков в колготках, которые ударом кулака разносят в щепки Эверест. Ума не приложу как можно уже 20 лет сидеть на этой шляпе для второклассников!?!?!?

Цяпер чытаюць

«Пенсіянерам дзеці перашкаджаюць!» У Брэсце не першы месяц ідуць спрэчкі наконт месца для будаўніцтва дзіцячага сада5

«Пенсіянерам дзеці перашкаджаюць!» У Брэсце не першы месяц ідуць спрэчкі наконт месца для будаўніцтва дзіцячага сада

Усе навіны →
Усе навіны

У Беларусі зарэгістравалі новы від птушак2

Ва Уруччы высекуць сквер пад праваслаўную царкву. Натхняліся раннехрысціянскай архітэктурай Рыма22

Трамп адмяніў сустрэчу з Пуціным у Будапешце1

ЗША абвясцілі пра санкцыі супраць «Раснафты» і «Лукойла»8

На вайне з Украінай загінуў сын былога міліцэйскага начальніка з Віцебска23

ЗША знялі ключавое абмежаванне на ўдары дальнабойнымі ракетамі па Расіі — WSJ5

Выбух адбыўся на абаронным заводзе ў Чалябінскай вобласці. Ёсць ахвяры6

Як Фядыніч адкрыў аўтобус Статкевічу на мяжы і як Вінярскі таксама выйшаў, каб застацца ў Беларусі. Новыя падрабязнасці3

Генеральны сакратар НАТА падтрымаў ідэю Трампа спыніць вайну ва Украіне па лініі фронту

больш чытаных навін
больш лайканых навін

«Пенсіянерам дзеці перашкаджаюць!» У Брэсце не першы месяц ідуць спрэчкі наконт месца для будаўніцтва дзіцячага сада5

«Пенсіянерам дзеці перашкаджаюць!» У Брэсце не першы месяц ідуць спрэчкі наконт месца для будаўніцтва дзіцячага сада

Галоўнае
Усе навіны →

Заўвага:

 

 

 

 

Закрыць Паведаміць