Брэнд адзення Mark Formelle яшчэ ў пачатку лістапада абвясціў конкурс прыгажосці для мужчын.
Шукалі «харызматычнага, спартыўнага і ўпэўненага ў сабе». Пераможца стане галоўным героем новай рэкламнай кампаніі, а астатніх фіналістаў запрасілі на фотасесію для календара ў стылі аўстралійскіх пажарных, піша Onliner.by.
Каб узяць удзел у конкурсе, патэнцыйным удзельнікам трэба было размясціць фота з пэўным хэштэгам. Фіналістаў выбіралі з дапамогай глядацкага галасавання.
У выніку 12 мужчын сфатаграфаваліся разам з хатнімі гадаванцамі — катамі, сабакамі і нават слімаком. На здымках яны пазіруюць у ніжняй бялізне, піжамах і шкарпэтках. Ніхто з фіналістаў не з'яўляецца прафесійнай мадэллю. Сярод іх ёсць ратавальнік, пажарны, будаўнік і спартсмен.
Каляндар стане даступны напярэдадні Новага года. Атрымаць яго лічбавую версію можна будзе на афіцыйным сайце брэнда.
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс6
Каментары