Свет66

Зяленскі рэзка раскрытыкаваў паездку прэм’ера Славакіі да Пуціна

«Чаму гэты лідар настолькі залежны ад Масквы? Чым яму плацяць і чым ён расплачваецца?» — задаў рытарычнае пытанне Зяленскі.

Уладзімір Зяленскі. Фота: President.gov.ua

Прэзідэнт Украіны Уладзімір Зяленскі рэзка раскрытыкаваў паездку прэм’ер-міністра Славакіі Роберта Фіцы ў Маскву і яго сустрэчу з расійскім прэзідэнтам Уладзімірам Пуціным. Сярод іншага, Зяленскі заявіў, што паездкай павінны зацікавіцца «славацкія праваахоўныя органы і спецслужбы», паведамляе Голас Амерыкі.

«Чаму гэты лідар настолькі залежны ад Масквы? Чым яму плацяць і чым ён расплачваецца?» — задаў рытарычнае пытанне Зяленскі, адзначыўшы, што дзеянні Фіцы могуць паставіць пад пагрозу бяспеку не толькі Славакіі, але і ўсёй Еўропы.

Фіца наведаў Маскву з загадзя неабвешчаным візітам увечары ў нядзелю, стаўшы толькі трэцім лідарам адной з краін ЕС, які сустракаўся з Пуціным пасля пачатку маштабнага ўварвання ва Украіну ў 2022 годзе.

З моманту свайго прыходу да ўлады напрыканцы 2023 года славацкі прэм’ер праводзіць палітыку адносна Украіны і Расіі, якая адрозніваецца ад палітыкі большасці краін ЕС, выступаючы супраць ваеннай дапамогі Кіеву.

Роберт Фіца пазней напісаў у фэйсбуку, што «ў працяглай размове» з Уладзімірам Пуціным яны «абмяняліся меркаваннямі наконт ваеннай сітуацыі ва Украіне, магчымасці хутчэйшага мірнага завяршэння вайны і адносін паміж Славакіяй і Расіяй». Непасрэднай нагодай для візіту стала хуткае спыненне транзіту расійскага газу ў Славакію праз Украіну. Фіца таксама адзначыў, што інфармаваў лідараў ЕС пра свой візіт.

Як напісаў Зяленскі ў сацсетках, Масква можа даваць Фіцу «значныя зніжкі», але расплачвацца за іх давядзецца суверэнітэтам. Акрамя таго, ён намякнуў на выкарыстанне «ценявых схем».

Паводле слоў Зяленскага, падрабязнасці гэтага пытання былі раскрыты падчас нядаўняй сустрэчы еўрапейскіх лідараў у Бруселі. Прэзідэнт Украіны таксама адзначыў, што Фіца адмовіўся ад магчымай кампенсацыі за адмову ад паставак расійскага газу, што, на думку Зяленскага, стала доказам таго, што ён не хоча ўдзельнічаць у сумеснай еўрапейскай працы над энергетычнай незалежнасцю, а «наадварот — хоча дапамагчы Расіі выціснуць амерыканскі газ і энергетычныя рэсурсы іншых партнёраў з Еўропы», а таксама «дапамагчы Пуціну зарабляць грошы на фінансаванне вайны і аслабіць Еўропу». Зяленскі заключыў, што гаворка ідзе пра «пытанне бяспекі» Еўропы.

Раней Роберт Фіца сцвярджаў, што на нядаўняй сустрэчы ў Бруселі Зяленскі нібыта прапаноўваў яму 500 мільёнаў еўра з замарожаных расійскіх актываў у абмен на тое, што Славакія падтрымае ўступленне Украіны ў NATO. Гэтае сцвярджэнне Зяленскі не каментаваў. Невядома, ці адносяцца яго словы пра адмову Фіцы ад «кампенсацый» да гэтага эпізоду.

Прэзідэнт Літвы Гітанас Наўседа выступіў з крытыкай візіту Фіцы, таксама негатыўна пра яго паездку выказаліся ўлады Чэхіі.

У сталіцы Славакіі Браціславе прайшла акцыя пратэсту супраць паездкі прэм’ера на перамовы з Пуціным. Паводле звестак арганізатараў, у ёй узялі ўдзел да 3 тысяч чалавек, у тым ліку прадстаўнікі апазіцыі і ўкраінскія ўцекачы.

Прэзідэнт Славакіі Петер Пелегрыні, палітычны саюзнік Фіцы, таксама запатрабаваў ад прэм’ера тлумачэнняў у сувязі з яго паездкай у Маскву.

У Крамлі пакуль не давалі каментарыяў па сутнасці сустрэчы Пуціна і Фіцы. У прыватнасці, сам Пуцін яе не каментаваў.

Фіца, як і прэм’ер-міністр Венгрыі Віктар Орбан, які таксама ездзіў у Маскву, заяўляе пра сябе як пра прыхільніка неадкладнага пачатку перамоў пра мір ва Украіне. Ён устрымліваецца ад крытыкі Масквы за ўварванне ва Украіну і, наадварот, крытыкуе Кіеў, абвінавачваючы яго ў імкненні працягваць вайну. Фіца таксама рэзка крытыкуе рашэнне Украіны адмовіцца працягваць пагадненне аб транзіце расійскага газу.

Каментары6

  • Трамп ползает на брюхе
    24.12.2024
    Фица лизнул шоколадку
  • Суродзіч
    24.12.2024
    >Чаму гэты лідар настолькі залежны ад Масквы?

    Добрае пытанне. А чаму іншы лідар настолькі залежны ад мільярдных траншаў ЕС? Калі ўжо перастанем спансараваць амбіцыі вузкага кола асобаў і нарэшце зоймемся сваімі праблемамі? А іх у ЕС вой як багата. Хутчэй бы ўжо інаугурацыя Трампа. Партыя вайны парадкам паднадастала.
  • Гісторыя нічому не навучыла баранаў
    24.12.2024
    Суродзіч, крамлёўскі, бяры шынэль ды рыхтуйся ісці ў акопы за свайх пуціна-лукашэнак ды іх мільярды. Калі гісторыя па залагоджванню крывавых крамлёўскіх імперцаў ні чаму не навучыла дурняў.

Цяпер чытаюць

Што IT-бізнэс думае пра Ганну Рабаву, новую кіраўніцу Парка высокіх тэхналогій?6

Што IT-бізнэс думае пра Ганну Рабаву, новую кіраўніцу Парка высокіх тэхналогій?

Усе навіны →
Усе навіны

Ціханоўская павіншавала Наўроцкага з абраннем на пост прэзідэнта Польшчы22

Лукашэнка паляцеў у Кітай. Гэта сустрэча павінна была адбыцца яшчэ ў студзені3

З'явіліся першыя спадарожнікавыя здымкі авіябазы «Белая», на якіх відаць наступствы атакі СБУ2

Сцяпан Пуціла: У час пратэстаў нас чатыры чалавекі ў рэдакцыі было. І дзвесце паведамленняў на хвіліну17

«Яны ўсе сябравалі супраць мяне». У Мінску судзяць мужчыну за лжывыя даносы на канкурэнтаў1

Апублікаваны поўны тэкст мірных прапаноў Украіны, якія Кіеў прадставіць на перамовах у Стамбуле7

Украіна перадала свой мемарандум Расіі на ўкраінскай і англійскай мовах4

Як выглядае самая недарагая кватэра ў сэрцы Мінска. Усяго за 295 тысяч даляраў1

Падарожнік з Казахстана расказаў, як прарываўся праз мяжу Беларусі і ЕС. Атрымалася толькі з трэцяй спробы7

больш чытаных навін
больш лайканых навін

Што IT-бізнэс думае пра Ганну Рабаву, новую кіраўніцу Парка высокіх тэхналогій?6

Што IT-бізнэс думае пра Ганну Рабаву, новую кіраўніцу Парка высокіх тэхналогій?

Галоўнае
Усе навіны →

Заўвага:

 

 

 

 

Закрыць Паведаміць