Беларусы Швейцарыі паведамілі, што манашкі Свята-Елісавецінскага манастыра прадаюць свае тавары на калядным кірмашы на Плошчы Рэфармацыі ў Лугана, піша тэлеграм-канал Motolkohelp.
Звяртае ўвагу, што інфармацыя ў іх палатцы напісана на італьянскай мове (Лугана знаходзіцца ў італамоўным рэгіёне краіны), а не на французскай ці нямецкай. Гэта сведчыць пра тое, што яны прыехалі ў Лугана спецыяльна, альбо раней знаходзіліся ў Італіі, але наўрад ці наведвалі іншыя рэгіёны Швейцарыі (там гавораць на іншых мовах).
У пачатку снежня манашак гэтага манастыра выгналі з кірмашу ў польскім Шчэціне пасля таго, як беларускія і польскія СМІ зноў нагадалі, каго яны падтрымліваюць і куды ідуць сродкі ад продажу іх прадукцыі ў Еўропе. Пазней высветлілася, што іх выгналі яшчэ з аднаго кірмашу ў Польшчы — у Торуні.
Акрамя таго, у пачатку снежня стала вядома, што Z-манашкі ўдзельнічаюць у кірмашы ў Катавіцах, які арганізуе кампанія Jarmarki Śląskie. Больш за два тыдні таму туды накіравалі запыт арганізатарам гэтага кірмашу, але да гэтага часу не атрымалі адказу.
Цяпер чытаюць
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін3
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1616
Каментары