Свет33

Новы генсак НАТА выступіў за права Украіны наносіць дальнабойныя ўдары па Расіі

Былы прэм'ер-міністр Нідэрландаў Марк Рутэ на другі дзень пасля свайго ўступлення на пасаду генеральнага сакратара НАТА адправіўся ў Кіеў і заявіў, што Украіна павінна мець магчымасць абстрэльваць расійскую тэрыторыю дальнабойнымі заходнімі ракетамі.

Марк Рутэ. Фота: AP Photo/Geert Vanden Wijngaert

«Украіна, безумоўна, мае права на самаабарону, і міжнароднае права тут на яе баку», — заявіў новы кіраўнік Паўночнаатлантычнага альянсу, выступаючы на прэс-канферэнцыі разам з прэзідэнтам Украіны Уладзімірам Зяленскім.

Пры гэтым права Украіны на самаабарону, па словах Рутэ, «не заканчваецца на мяжы»: Расія вядзе незаконную вайну, і гэта азначае, што нанясенне ўдараў па расійскіх знішчальніках і ракетах да таго, як яны могуць быць выкарыстаныя супраць грамадзянскай інфраструктуры Украіны, можа дапамагчы выратаваць жыцці людзей.

Зяленскі сказаў, што выклаў Рутэ элементы свайго «плана Перамогі», які ён нядаўна падаў прэзідэнту ЗША Джо Байдэну і абмяркоўваў з лідарамі іншых краін падчас візіту ў Злучаныя Штаты. Галоўнае палажэнне гэтага плана — даць Украіне больш сучаснай зброі.

У Кіеве Зяленскі ў чарговы раз заклікаў дапамагчы Украіне не толькі ў абароне, але і ў наступленні, зняўшы забарону на прымяненне дальнабойных ракет, такіх як ATACMS і Storm Shadow.

«Вядома, мы хочам, каб Украіна не была забытая. Але найлепшы спосаб не забыцца пра Украіну — даць адпаведную зброю і неабходныя дазволы. І дапамагчы збіваць… тыя ж іранскія ракеты або беспілотнікі; як яны збіваюцца над Ізраілем — каб сапраўды гэтак жа сама іх збівалі і над Украінай», — сказаў Зяленскі, маючы на ўвазе дапамогу заходніх краін у адбіцці іранскіх удараў ракетамі па Ізраілю.

Нягледзячы на некалькі тыдняў абмеркавання тэмы дальнабойных ракет, Джо Байдэн пакуль не даў згоды на іх прымяненне для ўдараў углыб Расіі, лідары якой зноў сталі пагражаць прымяненнем ядзернай зброі ў выпадку перасячэння чарговых чырвоных ліній.

Але Марк Рутэ ў Кіеве заявіў:

«Адзіная краіна тут, якая перасекла чырвоную лінію, — гэта не Украіна, гэта Расія».

Каментары3

  • Грэбаны сорам
    03.10.2024
    Якая ганьба! Гэтыя "гаспада" гуляюць жыццямі ўкраінцаў, як фішкамі ў казіно. Дазволім, не дазволім... Дадзім зброю, не дадзім... Часам думаю, што можа ўкраінцам варта было здацца путлеру і разам з ім даць пі.ды ўсёй гэтай заходняй шалупоні.
    • Шалупонь З.
      03.10.2024
      Грэбаны сорам , вашыя словы яскравы прыклад таго, як працуе крамлёўская прапаганда, як яна даходзіць да такіх як вы.
  • Sentinel
    04.10.2024
    Тогда пусть наносят удары генсеком НАТО.

«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію28

«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію

Усе навіны →
Усе навіны

Кіроўца быў моцна п’яны, паехаў па абочыне. Падрабязнасці трагедыі на трасе М2, дзе загінуў 16-гадовы трыятланіст11

4000 на старт. Як хлопец без досведу ў бізнэсе запусціў клінінг, а цяпер дапамагае з гэтым іншым

Сустрэча Пуціна і Трампа адбудзецца на вайсковай базе ЗША на Алясцы5

Чарговая беларуская гульня ў кальмара — студэнтка расказала, як адстаяла чаргу на інтэрнат3

Віцэ-спікерка КР Лізавета Пракопчык прызналася, што ёй тройчы не хапіла месца на канферэнцыі «Новая Беларусь»13

Віцебскі завод радыёдэталяў «Маналіт» вырабляе кампаненты для расійскага ВПК, у тым ліку на абсталяванні з ЕС3

Электрамантажнік Хазін абверг Ціханоўскага і пахваліўся, што яго акцыя «Ультыматум» прывяла да вызвалення палітвязняў10

Медыцынскага чыноўніка аблвыканкама затрымліваў за хабар спецназ

У сталіцы пачынаецца абмеркаванне генеральнага плана Мінска. Што чакае горад у будучыні4

больш чытаных навін
больш лайканых навін

«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію28

«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію

Галоўнае
Усе навіны →

Заўвага:

 

 

 

 

Закрыць Паведаміць