Мінінфарм патлумачыў рашэнне аб абмежаванні доступу да інтэрнэт-рэсурсу Okko
Сёння стала вядома, што ў Беларусі заблакавалі расійскі анлайн-кінатэатр Okko: Міністэрства інфармацыі прыняла такое рашэнне 30 верасня. Цяпер Мінінфарм выпусціў заяву пра гэта.
Паводле афіцыйнага прэс-рэліза, падставай для блакавання стала размяшчэнне на гэтым рэсурсе забароненай інфармацыі, «накіраванай на прапаганду гвалту і жорсткасці».
Пра што менавіта размова, невядома.
Okko уваходзіць у чацвёрку найбуйнейшых расійскіх стрымінгавых сэрвісаў. Ён вядомы ў тым ліку сваімі спартыўнымі трансляцыямі міжнародных спаборніцтваў.
У Беларусі ён працаваў легальна — абаненты Белтэлекама маглі за дадатковыя грошы падключыць доступ да Okko. Белтэлекам паведаміў, што пакуль не будзе спаганяць з карыстальнікаў плату за паслугу.
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай93
Каментары