Па заканчэнні следства Паліну Шарэнда-Панасюк этапавалі ў карцар
Расследаванне новай крымінальнай справы супраць палітзняволенай Паліны Шарэнда-Панасюк завяршылі 9 верасня.
Палітзняволенай Паліне Шарэнда-Панасюк канчаткова выставілі абвінавачванне паводле 1 часткі артыкула 411 КК аб непадпарадкаванні адміністрацыі папраўчай установы.
Пра гэта паведаміў Радыё Свабода муж актывісткі Андрэй Шарэнда. Паводле звестак Андрэя ў той жа дзень Паліну азнаёмілі з матэрыяламі справы і этапавалі ў СІЗА № 3 Гомеля.
«10 верасня сваякі паспрабавалі высветліць стан здароўя Паліны, але ў выніку даведаліся толькі пра тое, што адразу, як яе прывезлі з рэчыцкага ІЧУ ў гомельскае СІЗА, дык пакаралі карцарам на 10 дзён. За што — невядома. То бок ціск на яе працягваецца. Не лічацца з яе хваробамі, а наадварот, пагаршаюць ёй умовы. Бо ў карцары Паліна не зможа набыць прадуктаў, каб дадаткова харчавацца. Здзекуюцца далей», — мяркуе муж палітзняволенай Паліны Шарэнда-Панасюк.
Паліну Шарэнда-Панасюк ужо двойчы ў калоніі судзілі па 411 артыкуле КК і гэтак дадалі да тэрміну ў 2,5 гады яшчэ 2 гады. Трэцім разам справу па артыкуле аб непадпарадкаванні адміністрацыі турмы на актывістку завялі летась. Андрэй Шарэнда мяркуе, што новы суд над ягонай жонкай можа адбыцца «прыкладна праз месяц— паўтара».
«Гэткі тэрмін звычайна ў іх праходзіць ад накіравання справу ў пракуратуру да суду», — заўважыў Андрэй.
23 траўня Паліна Шарэнда-Панасюк мела выйсці на волю пасля адбыцця тэрміну зняволення ў 2,5 года і двух дадатковых тэрмінаў па адным годзе, дабаўленых судом нібыта за «злоснае непадпарадкаванне законным патрабаванням адміністрацыі». Але замест вызвалення актывістку змясцілі ў Гомельскае СІЗА на час расследавання новай крымінальнай справы паводле 411-га артыкула КК (непадпарадкаванне адміністрацыі турмы). Менавіта ў межах гэтай справы цяпер Паліну перавялі ў Рэчыцкі ізалятар часовага ўтрымання.
-
Расіяніну, які п'яным пабіўся з ахоўнікамі мінскага метро, вынеслі лагодны прысуд
-
Латушка пра магчымасць вайны ў Беларусі: Гэта ж вар'яцтва, не ўяўляю, як крамлёўская прапаганда будзе тлумачыць гэта
-
«Да канца года, спадзяюся, зможам рэалізаваць адну-дзве рэчы». Бабарыка — пра свой новы праект і беларускую мову
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»29
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары