Прынцэса Нарвежская Марта Луіза выйшла замуж за свайго партнёра — амерыканскага шамана Дурэка Верэта.
Пара звязала сябе шлюбам на прыватнай цырымоніі ў гатэлі ў Гейрангеры, Заходняя Нарвегія, у суботу пасля двух дзён урачыстасцяў, піша BBC.
У адрозненне ад іншых каралеўскіх вяселляў, дзе натоўпы народа вітаюць маладых, на гэтым свяце шчаслівую пару змаглі ўбачыць толькі некалькі звычайных нарвежцаў — віды на маладых былі закрытыя тэнтам або белай тканінай, паколькі эксклюзіўныя правы на фотаздымкі пара прадала часопісу Hello! Magazine.
На вяселлі таксама была заўважана здымачная група Netflix, што выклікала незадаволенасць мясцовых выданняў, якія не атрымалі допуску да ўрачыстасці.
Бацькі прынцэсы, кароль Харальд і каралева Соня, прысутнічалі на шлюбе разам з іншымі членамі каралеўскай сям'і Нарвегіі, а таксама прынцамі і прынцэсамі са Швецыі і Нідэрландаў.
Тры дачкі прынцэсы Марты Луізы ад яе першага шлюбу з нябожчыкам, нарвежскім пісьменнікам Ары Бэнам таксама ўдзельнічалі на цырымоніі.
52-гадовая прынцэса Марта Луіза і Дурэк Верэт, які пасля вяселля не атрымае тытул прынца, абвясцілі пра свае заручыны ў 2022 годзе. Нягледзячы на тое, што іх адносіны выклікалі спрэчкі ў Нарвегіі, кароль Харальд казаў нарвежскім журналістам, што Верэт — «выдатны хлопец», і што яны ўдваіх «шмат смяяліся, нават у гэты цяжкі час».
У 2022 годзе нарвежскі каралеўскі двор абвясціў, што Марта Луіза «адмовіцца ад сваёй ролі патранэсы», паколькі яна і Верэт імкнуцца «больш выразна размежаваць сваю дзейнасць і дзейнасць Каралеўскага дома Нарвегіі» і «прадухіліць непаразуменні».
З тых часоў пара падвергнулася крытыцы з боку палаца і чальцоў парламента Нарвегіі за ўвязванне камерцыйнай дзейнасці з каралеўскім статусам прынцэсы.
Крысці Мары Скрэдзе, каралеўскі карэспандэнт нарвежскага тэлеканала NRK, кажа, што іх адносіны выклікалі канфлікт унутры каралеўскай сям'і і спрэчкі ў грамадстве.
«Многія нарвежцы занепакоеныя тым, што яна выкарыстоўвае свае каралеўскія сувязі, каб зарабляць грошы», — сказала Скрэд, дадаўшы, што некаторыя лічаць гэта праявай «непавагі» да караля.
Прынцэса Марта Луіза ў мінулым сцвярджала, што з'яўляецца празорлівай, а да 2018 года кіравала школай, у якой, паводле яе слоў, вучняў вучылі «тварыць цуды» і размаўляць з анёламі. Верэт пра сябе кажа, што ён апошні з шасці пакаленняў шаманаў, а аднойчы сказаў, што памёр на 4 хвіліны і 25 секунд.
«Я атрымаў усю інфармацыю з іншага боку. Я вярнуўся», — сказаў ён у інтэрв'ю газеце New York Times.
Цяпер чытаюць
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары
смяяліся? дык а чаго шаман не шаманіў, каб час быў нецяжкі?
Шчэ ня выдаюць, дарэчы, прыгонных спадару Лукашэнку Бацьку?