Спявак Пётр Ялфімаў падзяліўся ў сацыяльных сетках, што зноў ажаніўся. Вясельны здымак артыст падпісаў так: «Ціхае шчасце без напругі! Ты мая вечнасць! Мая ты родная!» Саўндтрэкам абраў сваю ж новую песню «Ціхая гавань».
Мяркуючы па відэа ў сацсетках, вяселле адбылося ў невялікім коле самых блізкіх. Жаніх шмат спяваў.
Трэцяй жонкай 44-гадовага артыста стала Вольга Суслава (яна ўжо змяніла прозвішча на Ялфімава). Ёй 41 год, нарадзілася жанчына ў Санкт-Пецярбургу. У сацыяльных сетках Вольгі пазначана, што яна з 2021 года працуе ў мюзіклавым арт-кластары «OFF-тэатр» у Маскве. Вядома, што пазнаёмілася пара падчас майстар-класу ва Уладзіміры.
Шмат хто з прыхільнікаў Пятра здзівіўся навіне пра вяселле, бо людзі былі ўпэўнены, што артыст шчаслівы ў шлюбе са сваёй прадзюсаркай Таццянай Касмачовай. Яшчэ летась у СМІ пра іх пару пісалі як пра прыклад таго, што вялікая розніца ва ўзросце (Таццяна старэйшая за Пятра на 27 гадоў) ніяк не перашкаджае каханню. Тым больш што сам спявак нідзе публічна не казаў пра развод. Але ў сацыяльных сетках Вольгі ёсць агульныя здымкі з Пятром, пачынаючы з 2021 года. А на яе ютуб-канале шмат відэа з яго выступленняў.
Нагадаем: першае вяселле Пятра Ялфімава адбылося ў 2000 годзе. Тады ён ажаніўся ў Магілёве з Наталляй Дзяменцьевай. Былая жонка распавядала ў інтэрв’ю «Камсамольскай праўдзе», што разлад у іх пачаўся з таго, што Пятра паклікалі ў «Песняры».
У пачатку 2004-га пара аформіла развод.
«Напэўна, правільней за ўсё сказаць, што шляхі разышліся. Яму хацелася спяваць, лётаць, тварыць. А мне хацелася сям'і ў прамым сэнсе гэтага слова — са спакойнай хатняй абстаноўкай, з дзецьмі», — пазней прызналася Наталля журналістам.
Пасля абранніцай Пятра стала Таццяна Касмачова, якая была ягонай канцэртнай дырэктаркай і прадзюсаркай. Шматгадовае сяброўства перарасло ў нешта большае, і ў 2009 годзе пара аформіла адносіны. Пётр афіцыйна ўдачарыў Паліну — дачку Таццяны, якой на той момант было 12 гадоў. У інстаграме Пятра апошні агульны здымак з Таццянай з’явіўся ў 2019 годзе. Подпіс быў лаканічны — «Мы!!!». Але ў 2021 яны яшчэ давалі інтэрв’ю як адна сям’я і распавядалі пра тое, як будавалі ўласны дом.
«Любімы твор — арыя з рок-оперы «Ісус Хрыстос — суперзорка». Сямейная гутарка са спеваком Пятром Ялфімавым
Прадзюсар і жонка спевака Ялфімава: «Мы і раней выступалі ў Крыме? І што? Ніхто нам ва Украіну ўезд не забараняў»
Пятро Ялфімаў перамог на расійскім шоу «Галоўная сцэна» па выніках інтэрнэт-галасавання
Цяпер чытаюць
«Хлопцы паднеслі мае сумкі — і тут жа паехалі ў ШІЗА». Бабарыка расказаў, як яму стваралі ў турме невыносныя ўмовы2
«Хлопцы паднеслі мае сумкі — і тут жа паехалі ў ШІЗА». Бабарыка расказаў, як яму стваралі ў турме невыносныя ўмовы
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1919
Каментары