Мытны камітэт палохае, што ў Літве крадуць беларускія нумары з аўто
Беларускі Мытны камітэт выпусціў папярэджанне для тых, хто едзе ў Літву.
«У беларускую мытню звяртаюцца грамадзяне, у якіх на тэрыторыі Літоўскай Рэспублікі знікаюць рэгістрацыйныя знакі з прыпаркаваных аўто, а літоўскія ўпаўнаважаныя органы ігнаруюць звароты аб знікненні.
Такую гісторыю распавяла беларуска, якой нумарныя знакі кантралюючыя службы Літвы ўсё ж такі вярнулі праз некалькі дзён. Такое рашэнне яны прынялі пасля паўторнага звароту па гэтым факце, але ўжо грамадзяніна Літвы», — піша Мытны камітэт і называе такія дзеянні «махінацыяй».
Хто здымаў знакі з аўтамабіля, невядома. Як і тое, ці сапраўды масава былі такія выпадкі.
З 18 ліпеня Літва ўвяла абмежаванні на ўезд у краіну аўто з беларускай рэгістрацыяй. Але да 16 жніўня такія аўто яшчэ прапускаюцца, калі за стырном едзе ўласнік.
Цяпер чытаюць
Блогер Сярога з Расіі прыехаў на Зыбіцкую з каханай блогеркай Анечкай. Вынік: збіты ім беларус у коме, а Сярога на 5,5 года за кратамі10
Каментары