«Агрэсар заўсёды пажынае адпаведныя плады». Міхаіл Падаляк — пра «недатыкальнасць расійскай тэрыторыі»
Гэта першая заява ўкраінскіх уладаў, прысвечаная Курскай вобласці.
Дарадца кіраўніка Офіса прэзідэнта Украіны Міхаіл Падаляк выпусціў 8 жніўня заяву аб «разбурэнні звыклых фарматаў жыцця» ў Расіі, у тым ліку ў памежных Курскай і Белгародскай абласцях,.
Гэта першая заява ўкраінскіх уладаў, прысвечаная Курскай вобласці, зробленая на фоне наступу ўкраінскіх войскаў у гэтым рэгіёне, піша «Медуза». Пры гэтым сам наступ наўпрост у ім не згадваецца.
Падаляк заявіў, што прычына любой эскалацыі, у тым ліку на тэрыторыі РФ, — гэта «факт безумоўнай агрэсіі Расеіі — яе спроба захапіць чужыя тэрыторыі і грэбаванне да нормаў міжнароднага права».
Таксама Падаляк назваў Уладзіміра Пуціна «аўтарам канцэпцыі» самаразбурэння Расіі і дадаў, што «вайна — гэта ж вайна, у якой свае правілы і ў якой агрэсар заўсёды пажынае адпаведны плён».
Цяпер чытаюць
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца4
Каментары