У Ваўкавыску затрымалі маці і цётку анархіста Францкевіча. Яны прывезлі палітвязню перадачу
19 ліпеня ў калоніі № 11 у Ваўкавыску затрымалі Таццяну Францкевіч, маці палітвязня Аляксандра Францкевіча, якая прыехала ў калонію з перадачай для сына. Пра гэта піша «Радыё Свабода», спасылаючыся на крыніцы з групы сваякоў палітвязняў.
Паводле крыніцаў, разам з Таццянай Францкевіч у калонію прыехала яе сястра Наталля Лабацэвіч. «Яе таксама затрымалі», — пацвердзілі сведкі. Прычыны затрымання сведкам невядомыя.
Аляксандр Францкевіч — актывіст анархісцкага руху і фігурант справы «Рэвалюцыйнага дзеяння». Ён асуджаны да 16 гадоў і 9 месяцаў калоніі ва ўмовах строгага рэжыму.
Адбываць тэрмін палітвязня спачатку накіравалі ў івацэвіцкую калонію № 5, але пазней перавялі ў ваўкавыскую ПК-11.
Па інфармацыі праваабаронцаў, з верасня 2023 года Аляксандра змясцілі ў ПКТ на паўгода, а таксама неаднаразова змяшчалі ў ШІЗА. У маі гэтага года стала вядома, што супраць Францкевіча заведзеная новая крымінальная справа паводле арт. 411 КК (злоснае непадпарадкаванне патрабаванням адміністрацыі калоніі).
Палітвязня Аляксандра Францкевіча зноў будуць судзіць
Асуджанага на 19 гадоў палітвязня па «справе анархістаў» зноў будуць судзіць
Асуджанага анархіста Аляксандра Францкевіча перавялі ў ваўкавыскую калонію
«Сяджу па вар'яцкім прысудзе, і ўлады гэта ведаюць». Анархіст Францкевіч чатыры месяцы знаходзіцца ў ШІЗА
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс15
Каментары
ну давай расскажи по пунктам, что и как надо сделать, чтобы получить гарантированный результат...
но на самом деле все понимают, что такое го...о как ты, тут просто мусора, или гэбня.
Вы, убогие, думаете, что пишите на мове и сходите за настоящего беларуса?
Запомните клоуны, придет время и списочки с вашими ФИО ваши же кураторы наперегонки понесут в байпол и белпол...