Пад новыя санкцыі ЗША трапілі яшчэ некалькі беларускіх прадпрыемстваў і фізічных асоб
12 чэрвеня Мінфін ЗША ўвёў новыя санкцыі ў сувязі з вайной Расіі ва Украіне. У санкцыйны спіс трапілі больш за 30 фізічных асоб і больш за 200 кампаній, сярод якіх ёсць і беларускія, піша Reform.news.
Новыя санкцыі скіраваныя на абмежаванне магчымасцяў расійскага ВПК і закранаюць фізічныя асобы і прадпрыемствы з Расіі, Беларусі, Балгарыі, Брытанскіх Віргінскіх астравоў, Казахстана, Кітая, Кыргызстана, Аб'яднаных Арабскіх Эміратаў, Сербіі, Турцыі і інш.
У рамках новага пакета санкцый ЗША забараняюць аказанне паслуг IT-кансультавання і праектавання любой асобе на тэрыторыі Расіі, паслуг IT-падтрымкі і хмарных сэрвісаў для праграмнага забеспячэння для кіравання прадпрыемствам, праграмнага забеспячэння для праектавання і вытворчасці. Гэтыя абмежаванні будуць дзейнічаць з 12 верасня гэтага года.
З беларускіх прадпрыемстваў і фізічных асоб пад гэтыя санкцыі трапілі:
- ААТ «Беларусьгуматэхніка»;
- ТАА «КВАНД ІС»;
- ТАА « БАЗцьюб»;
- УП «Завод СВТ»;
- УПНВП «Тэхналіт»;
- Аляксандр Бадзяка, дырэктар «Тэхналіта»;
- Дзмітрый Манько, камерцыйны дырэктар ААТ «Беларусьгуматэхніка»;
- Валянцін Міклашэвіч, дырэктар УП «Завод СВТ»;
- Алена Пераселяк, дырэктарка ТАА «БАЗцьюб»;
- Алег Шпакаў, выканаўчы дырэктар ААТ «Беларусьгуматэхніка»;
- Сяргей Тыцык, дырэктар ТАА «КВАНД ІС».
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары