Палітыка затрымалі 31 мая 2020 года, за два месяцы да прэзідэнцкіх выбараў, калі ён ехаў на пікет Святланы Ціханоўскай.
Праз паўтара года, у снежні 2021 года, яго асудзілі на 14 гадоў калоніі асаблівага рэжыму. Палітык адбывае пакаранне ў Глыбоцкай калоніі, і ўжо 15 месяцаў, з лютага 2023 года, пра яго няма ніякіх звестак.
Адміністрацыяй калоніі Мікола Статкевіч летась неаднаразова падвяргаўся дысцыплінарным спагнанням, акрамя таго на яго сабраны матэрыял для завядзення ў дачыненні да яго крымінальнай справы па арт. 411 КК Беларусі («злоснае непадпарадкаванне патрабаванням адміністрацыі»).
Падтрымайце палітвязня: ПК № 13, 211791, Глыбокае, Савецкая, 205, Мікалаю Віктаравічу Статкевічу
Статкевіч ужо двойчы дагэтуль адбываў пакаранне. У 2005-2008 гадах ён адбываў хімію за ўдзел у акцыі пратэсту 17 кастрычніка 2004 года супраць афіцыйных вынікаў парламенцкіх выбараў і рэферэндуму, а ў маі 2011 года быў асуджаны на да 6 гадоў калоніі ўзмоцненага рэжыму за ўдзел у пратэстах падчас прэзідэнцкай кампаніі 2010 года. Быў вызвалены ў жніўні 2015 года.
7 чэрвеня будзе чатыры гады з моманту арышту Паўла Севярынца, 18 чэрвеня 2020 года арыштавалі Віктара і Эдуарда Бабарыкаў, 25 чэрвеня — Ігара Лосіка.
Цяпер чытаюць
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
Каментары
https://t.me/allians_belarus/83