Азараў адмовіўся здымацца з выбарчай гонкі ў Каардынацыйную раду
Каманда «Закон і правапарадак», што балатуецца на выбарах у Каардынацыйную раду, сёння раніцай апублікавала адказ на прапанову выбарчай камісіі аб зняцці з выбараў кіраўніка блоку. Учора ў адваротным выпадку выбарчая камісія прыгразіла зняццем усяго блоку «Закон і правапарадак» з выбараў.
«Рашэнне камісіі па сваім змесце з'яўляецца ўльтыматумам, выстаўленым лідару выбарчага спісу. Такі ўльтыматум ставіць у залежнасць ад рашэння лідара выбарчага спісу рэалізацыю права і магчымасці астатніх удзельнікаў спісу быць абранымі, што відавочна не адпавядае стандартам дэмакратычных выбараў.
У адпаведнасці з падпунктам 8.2. Палажэнні аб выбарах у Каардынацыйную Раду выбарчыя суб'екты і кандыдаты вольныя ў выбары сродкаў і метадаў вядзення выбарчай кампаніі з улікам агульнапрызнаных прынцыпаў правоў чалавека і стандартаў дэмакратычных выбараў.
Свабодны абмен інфармацыяй паміж выбаршчыкамі і кандыдатамі з'яўляецца неад'емнай часткай сапраўдных выбараў. Пры гэтым стандартамі дэмакратычных выбараў маецца на ўвазе права ўсіх, у тым ліку кандыдатаў і іх прыхільнікаў, на пошук, атрыманне і перадачу меркаванняў любымі спосабамі на іх меркаванне.
Чат-бот плана Перамога, які з'яўляецца сродкам камунікацыі з беларусамі, быў абраны ў тым ліку і ў якасці сродку вядзення выбарчай кампаніі.
Палажэнне аб выбарах у КР не прадугледжвае выдаленне выбарчага суб'екта з прычыны рассылання чат-бота плана Перамога і невыкананне правілаў бяспекі выбаршчыкаў.
Сябры выбарчай камісіі не растлумачылі, у адпаведнасці з якімі правіламі яны прынялі такое рашэнне, якія канкрэтна правілы парушыў Азараў, у чым заключаецца гэта парушэнне і не падалі ніякага юрыдычнага абгрунтавання. Рашэнне было прынята на эмоцыях у адпаведнасці з асабістым меркаваннем і прэтэнзіямі да Аляксандра Азарава», — зазначае каманда «Закон і правапарадак» і заклікае камісію адкінуць эмоцыі і прыняць рашэнне ў адпаведнасці з устаноўленымі правіламі аб працягу выбарчай кампаніі Спісу №5.
Арыштаваны дырэктар Палаца Рэспублікі, адзін з арганізатараў Марафона адзінства9
Каментары
Хлусня. Глядзеў прамы эфір. Старшыня камісіі некалькі разоў растлумачыла, у адпаведнасці з якімі правіламі прыняіае такое рашэнне, якія канкрэтна правілы парушыў Азараў, зачытала іх услых, растлумачыла ясна і канкрэтна, у чым заключаецца гэта парушэнне.
Уся каманда Азарава лічыць, што чат-бот плана Перамога можна выкарыстоўваць у якасці сродку вядзення выбарчай кампаніі.