«Гэта было канкрэтнае шкодніцтва». Як бухгалтар ледзь не абанкруціў беларускае кафэ ў Вільні
Саўладальнік аднаго з самых беларускіх месцаў Вільні — «Карчмы 1863» — Ілля Ясінскі ў новым выпуску «Ток» расказаў пра праблемы пры адкрыцці кафэ.
Колькі трэба грошай, каб адкрыць кафэ ў Вільні? Ясінскі кажа, што залежыць ад такіх акалічнасцей, як памер памяшкання для арэнды, наяўнасць у ім неабходнага абсталявання, тып установы, якую плануеш адкрыць.
«Можа хапіць і да 10 тысяч еўра», — заўважае.
Але самае галоўнае — людзі.
Ілля прызнаецца, што адной з найбольшых памылак у іх установе стала адсутнасць нармальнага бухгалтара.
«Мы шукалі і нібыта знайшлі чалавека, які працуе з беларусамі. Ён з намі амаль год адпрацаваў. Мы позна заўважылі праблемы, і цяпер працуе некалькі бухгалтараў для таго, каб разгрэбці ўсе тыя жахлівыя сітуацыі, —
дзеліцца праблемай Ясінскі і дадае з усмешкай:
Я разумею Пазняка, які кажа, што паўсюль агентура. Ты проста разумееш, што гэта ўвогуле было канкрэтнае шкодніцтва. Так працаваць нельга».
Па словах Іллі, ад гэтага бухгалтара ва ўстановы засталося шмат штрафаў: «Ад таго, як ён вёў справы, мы прымалі няправільныя рашэнні. І каб зараз вярнуць, зразумець, што адбывалася ўвесь гэты год, працуе цэлае бухгалтарскае бюро».
Але Ясінскі не губляе аптымізму: «Можна было б сказаць «катастрофа», але, мне падаецца, беларусы не ведаюць такога слова. Таму, як той казаў, змагаемся, трымаемся».
Глядзіце цалкам:
Цяпер чытаюць
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос22
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5151
Каментары