Стрыжак посціць фота з Гродна, а Герасіменя радуецца, што выбралася на Мінскае мора. Што?
Сёння кіраўнік «Байсола» Андрэй Стрыжак намякнуў, што вярнуўся ў Беларусь. Ён запосціў фота з подпісам «Прывітанне, Горадня!» і пазначыў геалакацыю — цэнтр Гродна. У каментарыях пытаюцца, ці не пакусаў яго скандальна вядомы мастак Аляксей Кузьміч. Што адбываецца?
Насамрэч, не толькі Стрыжак сёння паведаміў пра вяртанне на радзіму. Аляксандра Герасіменя, алімпійская прызёрка па плаванні, у інстаграме пахвалілася, што ў яе нарэшце атрымалася выбрацца на Мінскае мора разам з Наталляй Радзінай, галоўнай рэдактаркай «Хартыі'97».
Лявон Вольскі ў фэйсбуку перадаў прывітанне з універсама «Цэнтральны».
Юрый Стыльскі сфатаграфаваўся побач з аўтобусам «Уроцлаў-Пінск» і падпісаў: «Рэйс Перамога! Хто сустрэне?». Падпісчыкі адрэагавалі пытаннем: «Цікава, колькі хлопчыкаў у форме зараз пабеглі правяраць інфу?».
А вось музыка Сяргей Доўгушаў вырашыў вярнуцца ў краіну самалётам і запосціў фота на фоне надпісу «Welcome to Belarus» у Нацыянальным аэрапорце «Мінск». Сябры яму падыгралі: «Нечакана было цябе сёння сустрэць у Лошыцкім парку. Дзякуй за каву».
Канешне, прычына такога раптоўнага прыезду беларусаў на радзіму не ў тым, што камісія па вяртанні пачала добра працаваць. Усё проста: на календары 1 красавіка. Смешныя такія жарты ці сумныя — вырашаць вам.
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары