ГУБАЗіК: Мы вызначылі чырвоныя лініі для злодзея ў законе «Медзвяжонка»
Начальнік ГУБАЗіКа Андрэй Ананенка расказаў у інтэрв'ю выданню «СБ — Беларусь сегодня», якімі метадамі ягонае ведамства змагаецца з крымінальнымі аўтарытэтамі.
Паводле галоўнага губазікаўца, пад пільнай увагай ягоных супрацоўнікаў цяпер застаюцца шэсць «злодзеяў у законе», трое з якіх адбываюць пакаранне ў месцах зняволення. Пры гэтым двое былі вымушаныя выехаць за межы Беларусі, таму што, маўляў, «ім было некамфортна тут знаходзіцца з прычыны праводзімых намі прафілактычных мерапрыемстваў».
Адзін са «злодзеяў у законе» Мядзведзеў пад мянушкай «Медзвяжонак», паводле слоў Ананенкі, нядаўна вызваліўся, але «разумее, што ў выпадку парушэння пэўных чырвоных ліній ён зноў хутка вернецца за краты».
Увогуле ж на асаблівым кантролі 2-га ўпраўлення ГУБАЗіК МУС у якасці «крымінальных аўтарытэтаў», «смотрящих» і г. д. цяпер нібыта знаходзяцца каля 500 чалавек.
Што тычыцца крымінальных аўтарытэтаў з іншых краін, то супраць іх «выбудаваны эфектыўны алгарытм дзеянняў: аператыўная адпрацоўка і дэпартацыя». Таму нібыта яны ў Беларусь цяпер і не сунуцца, хоць «гадоў з дзесяць таму мы затрымлівалі тут па 20-25 замежных крымінальных лідараў у год». Летась ніводзін з такіх, калі верыць Ананенку, у Беларусь не заязджаў, ды і зладзейскія сходкі тут даўно не адбываліся.
Цяпер чытаюць
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь3
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары