Пра гэта яна заявіла ў відэазвароце, які выклала ў сацсетцы X.
Кенсінгтонскі палац абвясціў, што прынцэса цяпер праходзіць раннія стадыі курсу прафілактычнай хіміятэрапіі.
Пухліна ў прынцэсы Кейт была выяўленая падчас тэстаў, зробленых пасля аперацыі ў брушной поласці, перанесенай ёю ў студзені. Тып пухліны не раскрываецца.
Прынцэса запісала відэазварот, у якім сказала наступнае:
«Вядома, гэта стала велізарным узрушэннем, і мы з Уільямам робім усё, што можам, каб гэта асэнсаваць і справіцца з гэтым прыватна дзеля нашай маладой сям'і. Як вы можаце сабе ўявіць, на гэта спатрэбіўся час. Мне быў патрэбны час, каб аднавіцца пасля сур'ёзнай аперацыі і пачаць [анкалагічнае] лячэнне.
Але самае галоўнае, нам быў патрэбны час, каб усё растлумачыць Джорджу, Шарлоце і Луі прыдатным для іх чынам, і запэўніць іх, што са мной усё будзе нармальна».
«Я ім сказала, што я здаровая і раблюся мацней з кожным днём, засяроджваючыся на тым, што дапаможа мне выгаіцца розумам, целам і духам», — падкрэсліла прынцэса.
Хіміятэрапію Кейт пачала ў канцы лютага.
У свёкра Кейт, брытанскага караля Карла III, таксама нядаўна выявілі рак.
Цяпер чытаюць
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак4
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары