Адам Сэндлер стаў самым высокааплатным акцёрам 2023 года па версіі Forbes. На другім месцы — Марго Робі, піша «Медуза».
За год Адам Сэндлер зарабіў 73 мільёны даляраў, палічыла выданне. Значную частку прыбытку Сэндлеру прынесла супрацоўніцтва з Netflix.
У 2023 годзе з удзелам Сэндлера на Netflix выйшлі камедыі «Забойства ў Парыжы» і «І не падумай прыйсці на маю бат-міцву», а таксама анімацыйны фільм «Леа». Акрамя таго, акцёр сыграў галоўную ролю ў карціне «Касманаўт», якую Netflix выпусціў у сакавіку 2024-га.
Другое месца ў рэйтынгу заняла Марго Робі, якая сыграла галоўную ролю ў адной з галоўных кінапрэм'ер 2023 года «Барбі». За мінулы год актрыса зарабіла 59 мільёнаў даляраў. За ёй у спісе Forbes стаіць Том Круз, які зарабіў 45 мільёнаў даляраў, у тым ліку атрымаўшы прыбытак ад выхаду сёмай часткі шпіёнскага баевіка «Місія невыканальная».
Таксама ў рэйтынг самых высокааплатных акцёраў Forbes за 2023 год увайшлі: Раян Гослінг (43 мільёны даляраў), Мэт Дэйман (43 мільёны даляраў), Джэніфер Эністан (42 мільёны даляраў), Леанарда ДзіКапрыа (41 мільён даляраў), Джэйсан Стэйтхэм (41 мільён даляраў), Бэн Афлек (38 мільёнаў даляраў), Дэнзел Вашынгтон (24 мільёны даляраў).
Цяпер чытаюць
Ціханоўскі расказаў, што трэба было рабіць у жніўні 2020-га20
Каментары