Міністр абароны Германіі выказаўся наконт уцечкі размоў нямецкіх вайскоўцаў пра ракеты Taurus
Міністр абароны Германіі Барыс Пісторыус назваў публікацыю перахопленай размовы нямецкіх вайскоўцаў «гібрыднай атакай».
Ён пракаментаваў публікацыю перахопленай тэлефоннай размовы службоўцаў бундэсвера аб магчымай пастаўцы Taurus ва Украіну (пра тое, што было ў той уцечцы, можна прачытаць тут). Яго словы прыводзіць Bild.
Пуцін, са слоў міністра, вядзе «інфармацыйную вайну» супраць Германіі. Пісторыус заявіў, што даручыў правесці поўнае расследаванне інцыдэнту, высветліць паўнамоцтвы афіцэраў і карэктнасць выбару сродку сувязі — інструмента WebEx.
Ён чакае інфармацыю пра расследаванне Службы ваеннай контрразведкі адносна дакладных перадумоў інцыдэнту ў бліжэйшыя некалькі дзён. Толькі пасля гэтага можна будзе прымаць рашэнне аб наступствах, у тым ліку кадравыя, піша Tagesschau.
Міністр абароны ФРГ заклікаў не весціся «на хітрыкі Пуціна» і разглядаць тое, што адбылося ў больш шырокім кантэксце: не выпадкова Расія апублікавала запіс у канцы тыдня, які быў поўны крытычных падзей для Крамля. У прыватнасці, гаворка ідзе пра развітанне з загінулым апазіцыянерам Аляксеем Навальным у Маскве і новае выкрыццё экс-менеджара Wirecard Яна Марсалека (самаму вышукванаму чалавеку ў Германіі дапамаглі схавацца расійскія спецслужбы).
Цяпер чытаюць
«Некаторым людзям варта зняць ружовыя акуляры». Лявончык — пра Мельнікаву, уцечку ў «Байхэлп», белыя паліто і грошы на 1300 палітвязняў2
Каментары