Пра тое, што вядомы брэсцкі блогер і былы палітвязень Сяргей Пятрухін, які быў вызвалены з турмы ў снежні 2022 года, выехаў з Беларусі за мяжу, стала вядома са стрыму «Народны рэпарцёр», які вядзе ягоны сябар і калега Аляксандр Кабанаў.
У красавіку 2021 года абодвух блогераў асудзілі на 3 гады калоніі за «арганізацыю групавых дзеянняў, якія груба парушаюць грамадскі парадак».
Аляксандр Кабанаў выехаў з Беларусі амаль адразу пасля вызвалення, у канцы студзеня 2023 года. А Сяргей Пятрухін пасля вызвалення крыху больш за год жыў у Беларусі.
«Аднак я бачыў, што хмары згушчаюцца, і праз страх зноў быць арыштаваным і атрымаць тэрмін я вырашыў з'язджаць. Таму 10 лютага 2024 года я з дапамогай каманды эвакуацыі BYSOL з'ехаў з краіны», — паведаміў сам Пятрухін.
Цяпер ён мае патрэбу ў падтрымцы. Яму трэба зняць кватэру, аплаціць базавыя патрэбы і набыць просты ноўтбук для працы.
Дапамагчы Сяргею Пятрухіну сабраць 3000 еўра можна па спасылцы.
Чытайце таксама:
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў6
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары