У красавіку 2021 года іх асудзілі да 3 гадоў калоніі за «арганізацыю групавых дзеянняў, якія груба парушаюць грамадскі парадак».
Пазіцыя абвінавачвання зводзілася да таго, што масавыя пратэсты па ўсёй Беларусі ў 2020 годзе пачаліся ў тым ліку і з-за Пятрухіна і Кабанава, якія дзейнічалі разам з Сяргеем Ціханоўскім, Мікалаем Статкевічам, Паўлам Севярынцам.
Абарона фігурантаў справы назвала ўсе абвінавачванні здагадкамі, прыведзеныя дзяржабвінаваўцам факты — вырванымі з кантэксту і недатычнымі да Пятрухіна і Кабанава і настойвала на спыненні крымінальнага пераследу.
Суд пачаўся 11 лютага. У суд тады журналістаў недзяржаўных СМІ не пусцілі. А Пятрухіна з Кабанавым суддзя ў выніку выдаліла з залы суда. Так што далей на працэс іх не дастаўлялі.
Згодна з абвінаваўчым заключэннем, падсудныя размясцілі на YouTube-канале «Народны рэпарцёр» фатаграфію амапаўца Віталя Аўтушэнкі з абразлівымі каментарамі. Міліцыянта прызналі пацярпелым, ён спрабаваў спагнаць з абвінавачаных 1,5 тысячы рублёў за маральную шкоду.
Фотаздымак сілавіка з'явіўся ў інтэрнэце пасля ягонага ўдзелу ў затрыманні блогера Сяргея Ціханоўскага пад Магілёвам 6 мая. Фота Аўтушэнка ўбачыў на YouTube-канале «Народны рэпарцёр» 8 мая. Ён настойваў на тым, што каментар да фільма дэманізуе яго і абражае яго гонар і годнасць. Аўтушэнка паведаміў суду, што ягоныя суседзі перасталі размаўляць з ягонымі бацькамі пасля з'яўлення фатаграфіі.
Яшчэ адзін пацярпелы — суддзя Брэсцкага абласнога суда Андрэй Лешчанка. Паводле абвінаваўчага прысуду, яго абразіў Сяргей Пятрухін.
-
Ціханоўскі расказаў, як за дапамогу яму асудзілі іншага вязня, што сядзеў не за палітыку
-
«Над галавой опера вісеў партрэт Сталіна». Вялікая гутарка з выкладчыцай Наталляй Дулінай пра гопнікаў з ГУБАЗіКа і Калеснікаву. І важную параду для ўсіх
-
«Калеснікаву перад сустрэчай з бацькам спрабавалі прывесці ў парадак — яна была на ўзмоцненым харчаванні»
Каментары