Улады Францыі падазраюць Крэмль у крадзяжы прыжыццёвых выданняў Пушкіна
Гаворка ідзе пра злачынцаў з грузінскімі пашпартамі, якія, імаверна, працавалі для заказчыкаў з Расіі.
У Францыі затрымана група злачынцаў, якая крала з гарадскіх бібліятэк прыжыццёвыя выданні пісьменнікаў: Пушкіна, Гогаля і Лермантава. Ад крадзяжоў пацярпелі бібліятэкі Францыі, Швейцарыі, Нямеччыны, Фінляндыі, Польшчы, Літвы, Латвіі, Эстоніі, піша The Moscow Times.
Гаворка ідзе аб злачынцах з грузінскімі пашпартамі, якія, імаверна, працавалі для заказчыкаў з Расіі.
Справай займаюцца следчыя Цэнтральнага ўпраўлення па барацьбе з незаконным абаротам культурных каштоўнасцяў. У канцы лістапада 2023 года траім падазраваным былі выстаўленыя абвінавачанні ў арганізаваным крадзяжы групай і ў змове з мэтай здзяйснення злачынства.
Улады Францыі не выключаюць дачынення Крамля, хаця афіцыйнага пацверджання гэтаму няма.
Адзін з першых такіх крадзяжоў адбыўся ў ліпені 2023 года ў Вышэйшай школе ў Ліёне.
Малады чалавек паказаў падробленае бельгійскае пасведчанне асобы, каб атрымаць 12 старых работ Аляксандра Пушкіна. Праз чатыры гадзіны бібліятэкар пайшоў на выклік, а кнігі зніклі з залы. Адна з іх, «Барыс Гадуноў» 1825 года, ацэньваецца больш чым у 70 000 еўра.
Пасля гэтага злачынства, праверка выявіла крадзяжы ў Нацыянальнай бібліятэцы Францыі ў Парыжы.
Сябар той жа групоўкі з сакавіка па кастрычнік 2023 г. «азнаёміўся» з вялікай колькасцю твораў расійскіх аўтараў, каб напісаць дысертацыю на тэму «Дэмакратыя ў рускай літаратуры XIX стагоддзя».
Дзевяць рэдкіх і каштоўных рукапісаў Пушкіна і Лермантава былі выкрадзеныя і замененыя копіямі.
Кошт кніг склаў 650 000 еўра.
Буйны крадзеж адбыўся і ў Варшаве, з бібліятэкі гарадскога ўніверсітэта выкрадзеныя кнігі на 500 000 еўра.
-
Швейцарыя выступіла супраць абмежавання колькасці насельніцтва
-
Эпатажны спявак Oliver Tree і яшчэ пяць чалавек загінулі ў Бразіліі пасля сутыкнення верталётаў
-
Пуцін павіншаваў Трампа з 80‑годдзем і заявіў, што чакае Зяленскага ў Маскве. Крэмль сцвярджае, што прэзідэнт ЗША паабяцаў уздзейнічаць на Кіеў
Каментары