У Нароўлі на пажары загінулі 73‑гадовая пенсіянерка і двое яе праўнукаў — 5‑гадовая дзяўчынка і 10‑гадовы хлопчык
Яшчэ адзін праўнук — 7‑гадовы хлопчык — у рэанімацыі.
Паводле папярэдніх звестак, паведамленне аб узгаранні на вуліцы Сацыялістычнай паступіла ратавальнікам МНС у 3 гадзіны 22 хвіліны ночы.
У доме ў гэты час знаходзіліся пажылыя сужэнцы і чацвёра дзяцей.
Яшчэ да прыезду ратавальнікаў відавочцы паспелі дапамагчы выбрацца з агню старэйшаму дзіцяці і дзядулю.
Ад атрыманых траўмаў на месцы здарэння памерла 73‑гадовая гаспадыня дома, яе 10‑гадовы праўнук і 5‑гадовая праўнучка памерлі па дарозе ў бальніцу ў машыне хуткай дапамогі.
За жыццё яшчэ аднаго хлопчыка зараз змагаюцца медыкі. 7‑гадовае дзіця ў цяжкім стане дастаўлена ў рэанімацыю.
Каментары