«Саўдэпаўскі адпачынак па кошце пяці зорак у Турцыі». Беларуска выклікала дыскусію, раскрытыкаваўшы санаторый на Нарачы
Карыстальніца Threads пад нікам versache_guci адпачыла ў беларускім санаторыі на Нарачы і была расчараваная. Трохдзённы адпачынак сям'і з дзіцём абышоўся амаль тысячу даляраў, і яна лічыць, што такіх грошай гэта не каштуе. Адказалі жанчыне і сам санаторый, і іншыя карыстальнікі, піша «Салідарнасць».
Усе фота апублікаваныя акаўнтам санаторыя ў Трэдсе
«Калі вы хочаце саўдэпаўскі адпачынак па кошце 5* у Турцыі, з ежай, як у заводскай сталоўцы, і з будоўляй пад вокнамі, вам сюды, — напісала незадаволеная карыстальніца. — Амаль 1000$ за двух дарослых і дзіця 4‑х гадоў, на 3 ночы. Уключана: басейн 1,5 гадзіны і трохразовае харчаванне з мінімальным выбарам нармальнай ежы. Поўнае расчараванне. Санаторый «Прыазёрны».
У каментарах некаторыя беларусы не падзялілі яе меркаванне:
«Не расказвайце казак. Ежа там выдатная. І санаторый найвышэйшага класа».
«Адпачываю там штогод шэсць гадоў запар. Усё задавальняе. У гэтым годзе па харчаванні сапраўды ўзніклі пытанні асабіста ў мяне і ў іншых турыстаў. І «Пліса» здала пазіцыі па харчаванні, і нават «Альфа Радон». Але тут нейкія больш глыбокія працэсы (сачыце за сітуацыяй у свеце). Але наконт сталоўкі — загнулі, гэта не так. Сэрвіс — топ, тэрыторыя — топ».
Людзі пішуць пра прыязны персанал, бясплатную паркоўку пры заездзе, дагледжаную тэрыторыю.
«Наконт будоўлі — санаторый працуе круглы год, і гэта здорава, што яны не спыняюцца і паляпшаюцца. Улетку для дзяцей столькі забаўляльных праграм. Таксама ўлетку для дзяцей ёсць аздараўленчая праграма з цудоўнымі працэдурамі! У пракаце можна ўзяць ледзь не ўсе віды транспарту. Рэстаран на беразе — кайф!»
Знайшліся, праўда, і крытыкі.
«315$ з чалавека за суткі… Яны з глузду з'ехалі? Раней ездзілі, падабалася. Але зараз цэннік за трохразовае харчаванне і басейн малюсенькі — гэта перабор. А калі дабудуюць адкрыты басейн, кошт будзе 500$ на чалавека?»
«Як добра, што ні разу не ўгаварылі мяне паехаць у нашы санаторыі з саўковым сэрвісам. Ды яшчэ ўсе скокі надвор'я ў нас у апошнія гады, камары. А ў Турцыі добра за такія грошы. І мора цёплае, і пясочак гарачанькі».
«Я б з задавальненнем акунулася ў Саўдэпію, але не за тысячу баксаў, канешне».
«На Канарах, з пералётам, у цудоўным гатэлі адпачыў танней».
Санаторый: «Мы не спрабуем капіяваць all inclusive гатэляў Турцыі»
Адгукнуўся ў каментарах і сам санаторый. Ад яго імя выказалі шкадаванне, што адпачынак не апраўдаў чаканняў.
«Вы абсалютна маеце рацыю ў наступным: мы не спрабуем капіяваць all inclusive гатэляў Турцыі. Гэта прынцыпова розныя прадукты».
Санаторый патлумачыў, што вядзе планавую рэнавацыю і сапраўды ёсць шумная будоўля, і прынёс прабачэнні, «калі ўпусцілі гэты момант пры браніраванні пуцёвак».
Адносна харчавання рэакцыя была такой:
«Нашы госці прыязджаюць з гастрытамі, панкрэатытамі, пасля аперацый — пагадзіцеся, у санаторыі важнае не толькі асарці, а якасць і дыетычная бяспека. Пры гэтым у нас заўсёды ёсць прывабны выбар: рыба/мяса/птушка, гародніна, свежае зяленіва, супы, кашы, кампоты, садавіна, выпечка».
А што тычыцца кошту, то ў санаторыі адзначылі, што
«гэта вельмі далікатная тэма: вы альбо згаджаецеся з ім, альбо выбіраеце больш адпаведны даходам узровень (выбар санаторыяў у Беларусі вялікі)».
«Сумны горад, пра які прынята добра казаць». Расіянка раскрытыкавала Мінск — беларусы ёй іранічна падзякавалі
«Цукеркі ў шакаладзэ, б**дзь!» Расійская блогерка-мільённіца наведала Беларусь і высмеяла беларускую мову
Беларускім санаторыям у Расіі эканамічны крызіс толькі на карысць
Беларусь штогод наведваюць каля 5 мільёнаў турыстаў з Расіі
200 расійскіх вайскоўцаў будуць сёлета задарма адпачываць у беларускіх санаторыях
Замежных турыстаў у беларускіх санаторыях стала яшчэ больш
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень12
Каментары