У Францыі суд вынес прысуды шасці грамадзянам Грузіі, якіх прызналі вінаватымі ў арганізацыі крадзяжоў рэдкіх выданняў рускай класічнай літаратуры з еўрапейскіх бібліятэк. Пакаранне для ўдзельнікаў групы склала да сямі гадоў пазбаўлення волі, піша Deutsche Welle.
Зламыснікі дзейнічалі па загадзя распрацаванай схеме: яны выкрадалі каштоўныя старадаўнія кнігі, а замест іх пакідалі якасна зробленыя падробкі. Сярод выкрадзеных выданняў былі творы Аляксандра Пушкіна, Міхаіла Лермантава і Мікалая Гогаля. Паводле ацэнак следства, агульны кошт скрадзеных кніг склаў некалькі мільёнаў еўра.
Двое абвінавачаных былі асуджаныя завочна, бо іх затрымалі ў Грузіі, якая не выдае сваіх грамадзян іншым краінам. Яшчэ двое — Міхеіл Замтарадзэ і Бека Цірэкідзэ — раней атрымалі прысуды ў Літве і Эстоніі за падобныя злачынствы. Французскі суд дадаў ім новыя тэрміны пакарання.
Найбольш суровае пакаранне атрымаў 50‑гадовы Міхеіл Замтарадзэ — сем гадоў турмы і пажыццёвая забарона на ўезд у Францыю. Раней у Літве яго ўжо асудзілі за крадзеж кніг XIX стагоддзя коштам больш за 600 тысяч еўра.
Пракуроры адзначылі, што крадзяжы былі добра арганізаванымі і здзяйсняліся з вялікай падрыхтоўкай і цынізмам. Гэты працэс стаў адным з апошніх у серыі расследаванняў, звязаных з маштабнымі крадзяжамі рэдкіх кніг у бібліятэках розных краін Еўропы. Паводле версіі следства, за гэтымі злачынствамі магла стаяць міжнародная арганізаваная сетка, якая, верагодна, мае сувязі з Расіяй.
Старадрукі, якія выкрадаліся з бібліятэкі Варшаўскага ўніверсітэта, вывозіліся ў Маскву праз Мінск
З еўрапейскіх бібліятэк скралі каля 170 рэдкіх кніг Пушкіна і іншых расійскіх класікаў. Навошта — ніхто не ведае
Еўрапол затрымаў групу грузінаў, якія кралі кнігі рускіх пісьменнікаў з еўрапейскіх бібліятэк
Улады Францыі падазраюць Крэмль у крадзяжы прыжыццёвых выданняў Пушкіна
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары