На пачатку 1990‑х гэтую стужку дэманстравалі па ўсім Савецкім Саюзе, а праект атрымаў Дзяржаўную прэмію Беларусі.
Суд Ленінскага раёна Гродна 11 чэрвеня прызнаў «экстрэмісцкім матэрыялам» фільм «Дарога на Курапаты», зняты на кінастудыі «Беларусьфільм» у 1990 годзе. На пачатку 1990‑х гэтую стужку дэманстравалі па ўсім Савецкім Саюзе, піша Радыё Свабода.
Як адзначаецца на сайце Міністэрства інфармацыі Беларусі, фільм быў распаўсюджаны на YouTube-канале «Сергей». У спіс «экстрэмісцкіх» з гэтага канала таксама трапілі яшчэ два відэазапісы — «Беларускі супраціў за вольную дзяржаву!», «Лінія Сталіна».
Рэжысёрам фільма «Дарога на Курапаты» быў Міхаіл Жданоўскі (памёр у 2023 годзе). Сцэнар ён пісаў разам з Аляксандрам Лукашуком. У стварэнні фільма браў удзел і Зянон Пазняк.
За стварэнне цыкла «Дарога на Курапаты», «Жаўрукі Беларусі», «Успаміны пра Мікалая Равенскага» Міхаіл Жданоўскі атрымаў Дзяржаўную прэмію Рэспублікі Беларусь.
«Дарога на Курапаты» з'яўляецца дакументальным сведчаннем злачынстваў бальшавіцкага рэжыму супраць беларускага і суседніх народаў.
-
Літва палічыла фігуранта расследавання «Нашай Нівы» Скіндзерава пагрозай нацыянальнай бяспецы і збіраецца пазбавіць статусу ўцекача
-
У прыгранічных Лельчыцах вучыліся разгортваць рухомыя пункты харчавання і рэчавага забеспячэння
-
У Віцебску на пешаходным пераходзе паставілі незвычайныя слупкі. Як яны працуюць?
Цяпер чытаюць
Зяленскі назваў, якія рэтранслятары на мяжы і беларускія прадпрыемствы хвалююць Украіну36
Каментары