Упершыню за доўгі час паказалі новага вярхоўнага лідара Ірана Маджтабу Хаменеі
Але невядома, калі было знята відэа.
Іранскае агенцтва Mehr упершыню апублікавала відэа з вярхоўным лідарам Маджтабой Хаменеі пасля яго абрання. У кадры той сядзіць у атачэнні некалькіх чалавек і размаўляе з імі.
Аднак калі было запісана гэта відэа, невядома.
Iran’s Mehr News released a video claiming to show Supreme Leader Mojtaba Khamenei “for the first time,” with no date or location specified. The right side of his face cannot be seen in the footage. pic.twitter.com/JdKWU2Svy6
Агенцтва паведаміла таксама, што Маджтаба сустрэўся з прэзідэнтам Ірана Масудам Пезешкіянам.
Маджтаба стаў вярхоўным лідарам Ірана пасля таго, як 28 лютага ў выніку ізраільска-амерыканскага ўдару быў забіты яго бацька Алі Хаменеі. З моманту свайго абрання ён ні разу не з'яўляўся на публіцы.
Маджтаба Хаменеі нават не прысутнічаў на дзяржаўнай цырымоніі пахавання свайго бацькі.
На фоне гэтага хадзілі чуткі пра яго крытычны стан: што нібыта падчас лютаўскай атакі Маджтаба атрымаў цяжкія раненні і быў знявечаны.
Раней паведамлялася, што Маджтаба Хаменеі нібыта перанёс як мінімум тры медыцынскія аперацыі і яму патрэбна пратэзаванне нагі.
Цяпер чытаюць
У перамовах з Коўлам гэтым разам бярэ ўдзел і Турчын1
У перамовах з Коўлам гэтым разам бярэ ўдзел і Турчын
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну44
Каментары