У Расіі блогер-мільённік кінуў у сумёт двухмесячнага сына. Кіраўнік СК загадаў завесці крымінальную справу
Ролік ён падпісаў словамі «Першы палёт Леа!»
Кіраўнік Следчага камітэта Расіі Аляксандр Бастрыкін распарадзіўся завесці крымінальную справу супраць блогера Сяргея Касенкі (7 млн падпісчыкаў у інстаграме).
7 студзеня апублікаваў відэа, на якім у запаволенай здымцы кідае ў гурбу снегу двухмесячнага сына. Ролік ён падпісаў словамі «Першы палёт Леа!»
Хлопчык у камбінезоне поўнасцю знікае пад снегам. Пра якія-небудзь шкодныя для здароўя дзіцяці наступствы інфармацыі не паступала, піша Бі-бі-сі.
Касенка займаецца бізнэс-коўчынгам, вядзе блог аб спосабах заробку і прапануе свае паслугі ў якасці «настаўніка» (наставніка).
Прыкладна тым жа займаецца і маці дзіцяці, Саша Белякова (больш вядомая як Sasha Belair).
Мяркуючы па іх сацыяльных сетках, пара жыве не ў Расіі. Відэа, на якім Касенка кідае ў снег немаўля, запісалі на курорце Куршавель у Францыі, куды сям'я прыехала на святы.
Відэа з альпійскага курорта выклікала заўважны рэзананс у Расіі, у тым ліку, сярод падпісчыкаў Касенкі.
Блогер, адказваючы на папрокі і абвінавачванні ў свой адрас, пачаў расказваць, што нібыта кінуў у снег ляльку.
Яму паверылі не ўсе — напрыклад, дэпутат дзярждумы Ніна Астаніна 8 студзеня заявіла, што збіраецца паскардзіцца ў Следчы камітэт.
А раніцай 9 студзеня стала вядома, што скандальнае відэа дабралася да кіраўніка СКР Аляксандра Бастрыкін. У паведамленні ведамства не ўдакладняецца, па якім артыкуле будуць заводзіць справу — толькі гаворыцца, што «па факце здзяйснення ім супрацьпраўных дзеянняў у дачыненні да нованароджанага дзіцяці».
Займацца расследаваннем будзе галоўнае следчае ўпраўленне СКР.
Акрамя таго, Бастрыкін распарадзіўся праверыць блогера «на прадмет падатковага заканадаўства».
Цяпер чытаюць
Памілаваныя 15 чалавек, сярод якіх 13 палітвязняў17
Каментары
Но он правда не блогер, ловко соскочить не сумел.