Ратавальнікі паклікалі на дапамогу коцікаў, каб засцерагчы бестурботных рыбаловаў ВІДЭА
Беларускае Міністэрства надзвычайных сітуацый апошнім часам стала актыўна працаваць у тыктоку, і часам у яго атрымліваецца запускаць вірусныя відэа. Сярод іншага ратавальнікі выкарыстоўваюць агульныя мемныя трэнды, як, напрыклад, вобраз двух сумных коцікаў, якія сумным мяўканнем «размаўляюць» на розныя тэмы.
Тэмай роліка з коцікамі стала зімовая рыбалка. Адзін кот выступае ў ролі ратавальніка, а другі — у ролі бестурботнага рыбалова, які нягледзячы на відавочную небяспеку выйшаў на тонкі лёд.
Карыстальнікі тыктока ролік ацанілі, крыху больш чым за суткі ён набраў больш за 210 тысяч праглядаў і працягвае прыцягваць увагу.
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс15
Каментары