Сцяг Вялікага Княства Літоўскага з выявай вершніка знік з экспазіцыі музея, які размяшчаецца ў вежы-данжоне XIII стагоддзя.
Раней сцяг з Пагоняй знаходзіўся на верхнім ярусе вежы, побач з ім вісеў сцяг з Калюмнамі, родавым знакам Гедзімінавічаў. Як стала вядома «Нашай Ніве», на сёння Пагоня з вежы прыбраная, але Калюмны засталіся. Гэта кажа пра ідэалагічныя прычыны знікнення гістарычнага сімвала.
Можна меркаваць, што змены ў экспазіцыі музеі былі звязаныя з візітам у Каменец міністра культуры Анатоля Маркевіча ў сакавіку 2023 года. Сярод іншага, міністр наведваў і Камянецкую вежу.
Герб «Пагоня» ўнесены ў Дзяржаўны спіс гісторыка-культурнай каштоўнасцей як нематэрыяльная спадчына, а лукашэнкаўская прапаганда, адкідаючы гісторыю Рэчы Паспалітай як час польскага прыгнёту, на словах абвяшчае гісторыю Вялікага Княства Літоўскага важнай і неад'емнай часткай беларускай спадчыны.
Але на практыцы боязь «апазіцыйный» нацыянальнай сімволікі пераважвае жаданне шанаваць гісторыю і спадчыну свайго краю.
«Наша Нiва» — бастыён беларушчыны
ПАДТРЫМАЦЬЦяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца5
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары