У складзе дэлегацыі на саміт у ААЭ лётала сяброўка Колі Лукашэнкі? — Motolkohelp
Рэдакцыя «МотолькоПомогі» атрымала спіс удзельнікаў дэлегацыі ад Беларусі на кліматычным саміце ў Дубаі. У ім амаль 50 чалавек. Найбольш цікавымі выглядаюць дзве асобы, якія суправаджалі Аляксандра Лукашэнку і Мікалая.
Мікалай Лукашэнка быў пазначаны як малады дэлегат ад БДУ.
Іншай маладой дэлегаткай ад універсітэта ўпісана Паліна Жогла.
Пра Паліну Жоглу інфармацыі вельмі мала. Вядома, што яна з'яўляецца студэнткай 2-3 курса юрыдычнага факультэта БДУ.
Летась дзяўчына атрымала статус дублёркі аднаго з моладзевых паслоў Мэт устойлівага развіцця. Акрамя таго, на сайце БДУ можна знайсці некалькі яе дакументаў, сярод якіх «Да пытання пра вызначэнне паняцця «кіберзлачынства» і «Прававыя праблемы рэгулявання маніторынгу навакольнага асяроддзя».
На саміце прысутнічала і фіналістка «Міс Беларусь — 2021» Уладлена Зайцава. Яна, меркавана, была сярод тых чатырох чалавек, хто апладзіраваў прамове Лукашэнкі.
Уладлена ў спісе пазначаная ёмістым словам «афіцэр», ёй 25 гадоў, родам з Магілёва, скончыла магістратуру Магілёўскага дзяржаўнага ўніверсітэта імя Аркадзя Куляшова і пайшла працаваць на мытню. Яна неаднаразова была заўважаная ў кампаніі Лукашэнкі, напрыклад, у снежні 2021 года яна танцавала з ім на Рэспубліканскім балі для моладзі, а пазней і на балі выпускнікоў у 2023 годзе.
Уладлена Зайцава разам з Лукашэнкам на балі выпускнікоў у 2023 годзе.
Адно з іх апошніх сумесных з'яўленняў на публіцы было ў ліпені гэтага года на фестывалі ў Александрыі, дзе Зайцава сядзела побач з Лукашэнкам.
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення16
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher44
Каментары
Адам Кадыраў-2?