На фестываль у Александрыі Лукашэнка паехаў са сваёй старой знаёмай
З дзяўчынай, якую пасадзілі побач з Аляксандрам Лукашэнкам на Купаллі ў Александрыі, ён ужо танцаваў і ездзіў на баль выпускнікоў.
На свяце ў Александрыі 8 ліпеня каля Лукашэнкі сядзела фіналістка «Міс Беларусь — 2021» Уладлена Зайцава. Адметна, што ў гэты ж год на конкурсе стала фіналісткай дзяўчына, з якой палітыка бачаць апошнім часам найчасцей, — Настасся Казырыцкая.
Упершыню Зайцаву і Лукашэнку пабачылі разам на Рэспубліканскім балі для моладзі ў снежні 2021-га, менавіта Зайцава танцавала з Лукашэнкам. Наступны іх сумесны выхад адбыўся праз паўтара года на балі выпускнікоў, які прайшоў сёлета на плошчы ля Палаца спорту (там жа па другую руку ад Лукашэнкі стаяла Казырыцкая).
Уладлене Зайцавай 25 гадоў. Родам яна з Магілёва. Скончыла магістратуру Магілёўскага дзяржаўнага ўніверсітэта імя Аркадзя Куляшова і пайшла працаваць на мытню. Яна сама некалі выступала перад Лукашэнкам у Александрыі разам з творчым калектывам. Раней дзяўчына даволі шмат удзельнічала ў конкурсах прыгажосці, а яе настаўніца — Таццяна Палазкова, кіраўніца Nagorny Podium School. Дзе цяпер працуе дзяўчына — невядома.
«Наша Нiва» — бастыён беларушчыны
ПАДТРЫМАЦЬ
Цяпер чытаюць
«Гэта шлях адзіночкі». Беларус большую частку жыцця праводзіць у вандроўках — наведаў ужо амаль 500 аб’ектаў ЮНЕСКА1
Каментары