ЦАХАЛ: ізраільскія войскі захапілі некалькі адміністрацыйных будынкаў ХАМАС у горадзе Газа
Армія абароны Ізраіля паведамляе, што вайскоўцы 7-й бранятанкавай брыгады і пяхотнай брыгады «Галані» захапілі некалькі ўрадавых будынкаў ХАМАС у кварталах Шэйх Іджлін і Рымаль горада Газа.
Сярод аб'ектаў, занятых войскамі, — заканадаўчая рада ХАМАС, яго ўрадавы комплекс і штаб-кватэра паліцыі.
У паведамленні гаворыцца, што войскі ўзялі пад кантроль так званы дом губернатара Газы, у якім размяшчаліся ўстановы ваеннага крыла і паліцыі ХАМАС, офісы разведвальнага падраздзялення ХАМАС і іншыя аб'екты, якія выкарыстоўваліся для падрыхтоўкі да тэрарыстычнага нападу 7 кастрычніка.
Салдаты таксама вядуць агонь па баевіках у горадзе Газа.
ЦАХАЛ паведамляе, што захоплены таксама будынак інжынернага факультэта аднаго з універсітэтаў Газы, які «служыў інстытутам па распрацоўцы і вытворчасці зброі», і яшчэ адзін комплекс ХАМАС з трэніровачнай базай, камандным цэнтрам, пакоямі для допытаў і камерамі для затрыманых.
Раней у сацыяльных сетках з'явіліся фатаграфіі, на якіх бачна, што салдаты брыгады «Галані» знаходзяцца ў будынку заканадаўчай рады ў сектары Газа, які раней кантраляваў рух ХАМАС, а таксама ў штаб-кватэры ваеннай паліцыі.
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы43
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
Более 100 трупов скопилось в больнице «Аш-Шифа» в секторе Газа — их захоронят в братской могиле на территории медицинского комплекса, сообщает Reuters.