У Лёзненскім раёне ратавальнікі выцягнулі з балота каня. Загруз па самую шыю
Калі супрацоўнікі МНС прыехалі па выкліку ў вёску Міхалінава, на паверхні была відаць толькі галава жывёліны.
Скрыншот з відэа
Па словах мясцовых жыхароў, конь яшчэ напярэдадні ўвечары блукаў па тэрыторыі пасёлка без прывязі і нагляду гаспадара, а раніцай яго знайшлі загрузлым у дрыгве.
«Усё цела каня знаходзілася ў дрыгве на глыбіні большай за адзін метр, — расказалі ў МНС. — З дапамогай вяровак і «Амкадора», які належыць сельгасппрадпрыемству «Новая Дуброва-Агра», ратавальнікі дасталі бедную жывёліну».
Каментары