У Польшчы пачаўся суд над двума беларусамі, якіх абвінавачваюць у шпіянажы
Ім пагражае да 10 гадоў пазбаўлення волі.
19 кастрычніка ў Познані пачаўся суд над двума грамадзянамі Беларусі, абвінавачванымі ў шпіянажы на карысць беларускай вайсковай разведкі. Ім пагражае да 10 гадоў пазбаўлення волі, паведамляе Most са спасылкай на PAP.pl.
Андрэя Р. і Дзмітрыя Н. затрымалі ў красавіку 2022 года, і з тых часоў яны ўтрымліваліся пад вартай. Адзін з іх быў вайскоўцам (цяпер — вайсковы пенсіянер). Іншы па прафесіі музыкант-бубнач. У Польшчу абодва прыехалі працаваць кіроўцамі.
Паводле следства, яны назіралі за вайсковымі і цывільнымі аб'ектамі, якія маюць крытычна важнае значэнне для абараназдольнасці Польшчы. Імаверна, гаворка ідзе ў тым ліку пра транспартную інфраструктуру. Паведамляецца, што гэтыя аб'екты размяшчаюцца на захадзе Польшчы.
Паколькі справа звязаная з дзяржаўнай таямніцай, суд вырашыў, што публічным будзе толькі чытанне абвінаваўчага заключэння, а далейшы судовы працэс пройдзе за зачыненымі дзвярыма.
Цяпер чытаюць
Стала вядома, колькі грошай атрымлівалі ад крамлёўскага фонду Лушч, Мірсалімава і Герашчанка13
Стала вядома, колькі грошай атрымлівалі ад крамлёўскага фонду Лушч, Мірсалімава і Герашчанка
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў88
Каментары