29 верасня ў Музеі гісторыі Віцебскага народнага мастацкага вучылішча адбудзецца адкрыццё выставы мастацкай спадчыны Васіля Быкава з фондаў Дзяржаўнага музея гісторыі беларускай літаратуры, піша Reform.by.
Мы ведаем Васіля Быкава як пісьменніка, аднак вядомы беларускі літаратар спрабаваў свае творчыя сілы і ў выяўленчым мастацтве.
Гэта асобная старонка яго творчай біяграфіі.
Васіль Быкаў захапляўся маляваннем з дзяцінства. «Выяўленчае мастацтва ўвайшло ў маю душу з малюнкаў, кніжных ілюстрацый, — сведчыць Васіль Уладзіміравіч у мемуарнай кнізе «Доўгая дарога дадому». — Асабліва захаплялі гравюры ў старых кнігах Жуля Верна ды іншых».
У 1939 годзе, пасля сканчэння 8 класаў Кубліцкай сярэдняй школы, Васіль Быкаў паступіў у Віцебскае мастацкае вучылішча. Аднак увосень 1940 года, у сувязі з пагаршэннем матэрыяльнага становішча сям’і і адменай дзяржаўных стыпендый, вымушаны быў пакінуць вучобу. Пасля дэмабілізацыі ў 1947-м Быкаў прыехаў у Мінск, дзе зноў планаваў паступіць у мастацкае вучылішча. Але ў выніку патрапіў у Гродна, дзе некаторы час працаваў у мастацкіх майстэрнях.
Мастацкія практыкаванні, якія Быкаў іранічна называў «мастацкі зуд», былі яго пажыццёвым захапленнем. Аднак пра гэта ведалі толькі родныя ды блізкія сябры.
На выставе «Васіль Быкаў. Праз абрысы і лініі» будуць прадстаўлены вобразы родных з дзяцінства мясцін, успаміны пра вайну, жыццёвыя ўражанні, прыемныя і не вельмі прыемныя выпадкі з уласнага жыцця, самаіранічныя накіды.
Выстава будзе працаваць да 13 лістапада.
- Дата: 29 верасня.
- Час: 17:00.
- Месца: Віцебск, в. Марка Шагала, 5а.
Валянціна Матвіенка павіншавала Лукашэнку з днём народзінаў цытатай Васіля Быкава
Украінскі пісьменнік: Ці павінен Васіль Быкаў адказваць перад украінцамі за Лукашэнку?
У Тэатры юнага гледача, які ўзначаліла жонка Макея, ставяць Быкава па-руску
«Кату перадаваў прывітанне Васіль Быкаў» — у свет выйшла кніга Рыгора Барадуліна «У ката Мірона чорная карона»
Цяпер чытаюць
З Лондана Мельнікава вылецела на Шры-Ланку, у яе быў каханак спартовага выгляду з Беларусі58
Каментары