Пытанне аб выключэнні з БДУ Таццяны Шапуцькі ўзнімалася на сустрэчы з прадстаўнікамі беларускіх улад у Кіеве і Бруселі.
Пра гэта паведаміў міністр замежных спраў Швецыі Карл Більт 8 снежня ў бельгійскай сталіцы на прэс-канферэнцыі пасля завяршэння сустрэчы міністраў замежных спраў краін ЕС і краін — удзельніц праграмы «Усходняе партнёрства».
Більт заявіў, што будзе «абсалютна непрымальна», калі выключэнне з ВНУ адбылося з-за ўдзелу Шапуцькі ў Форуме грамадзянскай супольнасці Усходняга партнёрства. Гэтае мерапрыемства прайшло ў Бруселі 16—17 лістапада.
Кіраўнік беларускага МЗС Сяргей Мартынаў адзначыў, што «выключае не ўрад, а ВНУ».
Ён падкрэсліў, што прычынай адлічэння стала «колькасць пропускаў».
У адказ Більт адзначыў, што «з кіраўніцтвам ВНУ звязаліся прадстаўнікі праваахоўных органаў». «Яны, вядома, маглі цікавіцца яе пропускамі, але звычайна гэта не ўваходзіць у іх абавязкі», — заявіў шведскі міністр.
Прэс-сакратар зарэгістраванай у Чэхіі арганізацыі «Малады фронт» Таццяна Шапуцька ўдзельнічала ў форуме без дазволу дэканата юрыдычнага факультэта БДУ, дзе яна вучылася. Пра магчымасць адлічэння стала вядома яшчэ падчас мерапрыемства. 3 снежня кіраўніцтва «Маладога фронту» паведаміла пра выключэнне Шапуцькі з ВНУ.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары